fbpx

Eilífir fjársjóðir Alberts Barnes

Í Fíladelfíu er listaverkasafn sem unun er að skoða – Glæsilegt einkasafn manns sem kunni að ráðstafa auði sínum

Kolbrún Bergþórsdóttir
Laugardaginn 17. júní 2017 18:00

Það er misjafnt hvernig forríkt fólk ráðstafar auði sínum, en óhætt er að segja að Bandaríkjamaðurinn Albert C. Barnes hafi þar hagað sér viturlega. Hann var ástríðufullur málverkasafnari og þegar hann lést í bílslysi árið 1951, 79 ára gamall, var í hans eigu stærsta einkasafn af verkum impressjónista, póst-impressjónista og módernista. Þar á meðal voru 69 verk eftir Cézanne, 59 eftir Matisse, 46 eftir Picasso og 181 eftir Renoir. Hann átti einnig verk eftir Van Gogh, Manet, Monet, Modigliani, Degas, Rousseau, Gauguin og Toulouse-Lautrec, svo einungis örfá nöfn séu nefnd.

Það er ekki annað hægt að en hrífast af þessari fallegu mynd og kyrrðinni sem í henni býr.
Heillandi Monet Það er ekki annað hægt að en hrífast af þessari fallegu mynd og kyrrðinni sem í henni býr.

Eins og í fjársjóðshelli

Barnes Foundation í Fíladelfíu hýsir þetta mikla og undurfallega einkasafn en þar eru rúmlega 3.000 munir, þar af 900 málverk. Listaverkasafnið er á tveimur hæðum og í mörgum herbergjum. Að koma inn í hvert og eitt herbergi er eins og ganga inn í fjársjóðshelli. Veggir eru þaktir listaverkum póst-impressjónistanna, impressjónistanna og módernistanna. Þarna má þó finna innan um verk mun eldri meistara eins og Titian, El Greco og Hals. Barnes safnaði einnig antíkmunum og listmunum frá Afríku og Asíu. Listaverkin eru því ekki einungis á veggjum því á gólfinu standa voldugar antíkmublur og á þeim eru forláta vasar, ker og glös. Allt sem þarna sést er listaverk. Barnes hafði hugsað út í hvert smáatriði og þessar uppstillingar eru ekki tilviljun. Hann sagði sjálfur að þegar listmunum, sérstaklega þeim afrísku, væri stillt upp nálægt myndunum yrðu þær enn betri.

Mynd Modigliani af ástkonu sinni.
Jeanne Hébuterne Mynd Modigliani af ástkonu sinni.

Mikil nánd við listaverkin

Þeir sem áhuga hafa á listasögu þekkja handbragðið og eiga ekki í erfiðleikum með að ráða í það hvaða heimsþekkti málari hafi málað hverja mynd. Þarna eru mjög þekkt verk eins og Pósturinn eftir Van Gogh, en einnig minna þekkt verk og nær undantekningarlaust undurgóð. Það er einmitt stór þáttur í upplifuninni í Barnes-safninu að sjá verk sem sjást ekki í stóru listasöfnunum, en eru um leið gerð af meistara höndum.

Frægustu listasöfn heims eru yfirleitt nokkuð yfirþyrmandi vegna stærðar sinnar og þar er auðvelt að villast. Fjöldi listaverka gerir síðan að verkum að sá sem á safnið kemur sér yfirleitt ekki nema brot af því sem þar er til sýnis. Þetta á ekki við um Barnes-safnið. Þar þarf enginn að villast. Hin hæfilega stærð gerir að verkum að listunnandanum finnst hann vera í mikilli nánd við verkin. Meistari Matisse sagði að Barnes-safnið væri eitt það áhugaverðasta við Ameríku. Þar mætti sjá verk gamalla meistara við hlið verka yngri málara og einmitt það veitti þeim áhugasömu innsýn í fjölmargt sem kennarar gætu ekki kennt þeim.

Þetta kraftmikla olíumálverk Toulouse-Lautrec af vændiskonunni Rósu kallar á athygli áhorfandans.
Rosa La Rougue Þetta kraftmikla olíumálverk Toulouse-Lautrec af vændiskonunni Rósu kallar á athygli áhorfandans.

Renoir á metið

Barnes, sem var lyfjafræðingur og viðskiptajöfur, var orðinn forríkur 35 ára gamall. Hann hafði glöggt auga fyrir góðri list og varð ástríðufullur safnari. Hann hafði einnig vit á því að leita álits fagmanna og keypti iðulega verk eftir ráðgjöf. Árið 1912 þegar hann var í París kynntist hann Gertrude og Leo Stein og á heimili þeirra hitti hann listamenn á borð við Henri Matisse og Pablo Picasso, en fjöldi verka þeirra var í eigu hans. Renoir á þó metið því Barnes átti tæplega 200 verk eftir hann og sagðist ekki geta átt of margar myndir eftir listamanninn.

Ástríðufullur myndlistarsafnari.
Albert Barnes Ástríðufullur myndlistarsafnari.

Það er mikil upplifun að heimsækja Barnes Foundation. Enginn sem heimsækir Fíladelfíu ætti að fara þaðan án þess að heimsækja safnið og gleyma sér innan um hina eilífu fjársjóði Alberts Barnes.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 1 klukkutíma

Shoreditch í London er perla sem allir verða að heimsækja

Shoreditch í London er perla sem allir verða að heimsækja
Lífsstíll
Fyrir 1 klukkutíma

Flest sem lýtur að smíði og garðvinnu

Flest sem lýtur að smíði og garðvinnu
Fréttir
Fyrir 3 klukkutímum

Hálka á Reykjanesbraut í morgun

Hálka á Reykjanesbraut í morgun
Fréttir
Fyrir 3 klukkutímum

Rotaði einn og nefbraut líklega annan

Rotaði einn og nefbraut líklega annan
Fókus
Fyrir 3 klukkutímum

Kennedy var veikur og kvalinn

Kennedy var veikur og kvalinn
Lífsstíll
Fyrir 4 klukkutímum

Vöruflutningar, búslóðaflutningar og aðstöðubílar fyrir kvikmyndabransann

Vöruflutningar, búslóðaflutningar og aðstöðubílar fyrir kvikmyndabransann
Fókus
Fyrir 13 klukkutímum

„Austur verður ekki opnaður aftur fyrr en að loknum fundi með eiganda, þar sem ég mun hafa hagsmuni starfsfólksins í fyrirrúmi“

„Austur verður ekki opnaður aftur fyrr en að loknum fundi með eiganda, þar sem ég mun hafa hagsmuni starfsfólksins í fyrirrúmi“
Fókus
Fyrir 15 klukkutímum

Friends eru 24 ára í dag – Hver er uppáhalds þátturinn þinn?

Friends eru 24 ára í dag – Hver er uppáhalds þátturinn þinn?
433
Fyrir 16 klukkutímum

,,Við gátum ekki fengið meira fyrir Ronaldo“

,,Við gátum ekki fengið meira fyrir Ronaldo“
Fókus
Fyrir 16 klukkutímum

Valgeir átti þá ósk heitasta að eignast pabba – Þegar þeir hittust varð hann fyrir vonbrigðum – Síðan lágu leiðir þeirra aftur saman fyrir einskæra tilviljun

Valgeir átti þá ósk heitasta að eignast pabba – Þegar þeir hittust varð hann fyrir vonbrigðum – Síðan lágu leiðir þeirra aftur saman fyrir einskæra tilviljun