Fókus

Fotia.is: Vandaðar snyrtivörur á hagstæðu verði

Ágúst Borgþór Sverrisson
Laugardaginn 25. nóvember 2017 22:00

Fyrir um þremuri opnaði Sigríður Elfa Elídóttir netverslunina Fotia.is sem selur snyrtivörur. Sigríður var þá í námi í rekstrarverkfræði. Þessi aukavinna með námi vatt hins vegar hratt upp á sig því verslunin sló í gegn og við fyrirtækið starfa nú níu manns auk Sigríðar og unnusta hennar. Fotia.is býður upp á fjölbreyttar snyrtivörur þar sem saman fara gæði og hagstætt verð. Flestar vörurnar koma frá Bandaríkjunum en einnig eru einhverjar framleiddar í Bretlandi.

„Við leggjum áherslu á vandaðar snyrtivörur á hagstæðu verði og að verð sé svipað og erlendis. Þetta eru töluvert miklar gæðavörur og margar vörurnar eru umhverfisvænar og vegan-vörur, í bland við annað. Við kappkostum að halda álagningu í hófi því ég vil hafa álagningu lága,“ segir Sigríður.

Vörumerkin eru um 15, úrvalið spannar alhliða snyrtivörur en í augnablikinu eru tvö bandarísk húðvörumerki vinsælust: Mario Badescu og First Aid Beauty. Þó að konur séu í meirihluta meðal viðskiptavina Fotia.is segir Sigríður að karlar kaupi töluvert af húðvörunum.

Auk netverslunarinnar rekur fyrirtækið hefðbundna verslun í Skeifunni 19, Reykjavík. Hún er opin virka daga frá kl. 12 til 18 og laugardaga frá 12 til 17. Mikið er að gera í versluninni í Skeifunni og segir Sigríður að viðskiptavinir taki þeim möguleika fagnandi að geta mætt á staðinn, prófað vörurnar og fengið ráðgjöf.

Sem fyrr segir eru Sigríður og unnusti hennar með samtals níu manns í vinnu, þar af eru þrír í fullu starfi en aðrir í hlutastarfi. „Starfsfólkið stendur vaktina í versluninni í Skeifunni auk þess að afgreiða allar pantanir í vefversluninni,“ segir Sigríður.

Fotia.is er sístækkandi fyrirtæki og ljóst er að þessi verslun höfðar mjög til fólks sem hefur áhuga á snyrtivörum og húðvörum. Gott er að kynna sér úrvalið á vefsvæðinu Fotia.is en Fotia.is er einnig á Facebook og öðrum samfélagsmiðlum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af