Fókus

Jólabjórssmökkunin: Erpur sáttur með þann danska

Björn Þorfinnsson skrifar
Föstudaginn 11. nóvember 2016 17:30

Það er nóg að gera hjá Erpi Eyvindarsyni, betur þekktum sem Blaz Roca. Í kvöld kl.20.00, föstudaginn 11.nóvember, boðar hann til fagnaðar á Tívolí Bar þar sem nýtt lag og myndband verður frumsýnt. Lagið heitir „Fýrupp“ og á boðstólnum verður meint sterkasta pizza í heimi sem kappinn hefur þróað í samvinnu við Ugly Pizza.

Fékk hæstu einkunnina sem Erpur veitti.
Tuborg Julebryg Fékk hæstu einkunnina sem Erpur veitti.

Mynd: DV ehf / Sigtryggur Ari

Erpur gaf sér þó tíma til þess að líta við í jólabjórsmökkun DV og kveða upp dóm sinn á innlendu framleiðslunni þetta árið. Romm á hug og hjarta tónlistarmannsins en þrátt fyrir það þá kann hann vel að meta góðan bjór. Hæsta einkunnin sem Erpur gaf var 8 sem kom í hlut Tuborg Julebryg. Þessi danskættaða úrvalsvara er framleidd hérlendis og fékk því að fljóta með. Erpur bjó um tíma í Danaveldi og bragðlaukar tónlistarmannsins voru hrifnir: „Jól og nýár, hæfilega bragðmikill. Maltaður og gott jafnvægi,“ var úrskurður Erps. Tuborg Julebryg endaði í sjötta sæti könnunarinnar.

Lenti í 8.sæti í jólabjórssmökkun DV. Erpur vildi hinsvegar ólmur kynna sér drykkinn betur.
Frelsarinn frá Steðja Lenti í 8.sæti í jólabjórssmökkun DV. Erpur vildi hinsvegar ólmur kynna sér drykkinn betur.

Mynd: DV ehf / Sigtryggur Ari

Í lok nefndarstarfanna fengu þátttakendur að velja tvo bjóra sem þeir voru forvitnir um og fengu að taka með sér heim. Eftir nokkra umhugsun valdi Erpur bjóra nr. 1 og nr. 16 í smökkunarröðinni. Það reyndust vera Giljagaur, sem var valinn besti bjórinn, og Frelsarinn frá Steðja. Sá bjór fékk fína dóma og endaði í 8.sæti.

Barleyvínið frá Borg sló í gegn hjá dómnefnd DV og bar sigur úr býtum. Erpur valdi sér eintak af honum til þess að taka með sér heim.
Giljagaur Barleyvínið frá Borg sló í gegn hjá dómnefnd DV og bar sigur úr býtum. Erpur valdi sér eintak af honum til þess að taka með sér heim.

Mynd: DV ehf / Sigtryggur Ari

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af