Kvikmyndin 50 Shades of Grey vakti talsverða athygli og umræðu í fyrra. Sumir hneyksluðust á klúrheitunum, aðrir fögnuðu inngöngu skapandi kynlífs (BDSM) í meðaljónsmenninguna, á meðan iðkendur skapandi kynlífs gagnrýndu myndina harðlega fyrir að gefa kolranga mynd af góðum siðum í slíkri ástundun. Eitt er þó víst að bækurnar seldust í bílförmum og höfundurinn E.L. James þarf ekki að hafa áhyggjur af fjárhagi sínum um ókomin ár.

Anastasia Steele Söguhetjan í góðu stuði.

Eftir að myndin kom út sáu rétthafar sér leik á borði, og tóku að framleiða ýmiss konar varning undir heiti hennar. Þannig er hægt að fá boli, nærbuxur, borðspil, skartgripi, sleikipinna, nuddolíu, bangsa, lyklakyppur, naglalökk, léttvín og auðvitað ógrynni af kynlífsleikföngum sem merkt eru 50 Shades.

Herra Grey Vanstilltur narcissisti segja sumir!

Eitt það fyndnasta sem hefur komið út úr þessu ævintýri er Twitter reikningurinn 50 Nerds of Grey, en þar er gert stólpagrín að dónatalinu sem oft ríkir í samtölum sögupersónanna í myndinni (og bókunum auðvitað) og hástemmdum lýsingum á losta og rómantík.
Hér eru nokkur dæmi sem blaðamaður snaraði yfir á Íslensku:

„Kærastan hans var eins og kvaðratrótin af mínus einum. Dularfull, eftirsótt af mörgum… og ímynduð.“

„Ertu tilbúin? spurði hann. Þegar ég hef lokið mér af muntu ekki geta sest niður í marga daga.
Hún kinkaði kolli.
Ok, sagði hann, og setti sófann á eBay.“

„Þetta er bara of stórt! hrópaði hún, þetta mun aldrei passa!
Jú jú, sagði hann og glotti, ég er búin að þjappa skrána.“

Þó að mesti æsingurinn vegna hinna gráu skugga sé liðinn mælum við eigndregið með því að kíkja á Twitter og fylgja 50 Nerds of Grey. Gjörið svo vel:

Tweets by @50NerdsofGrey
!function(d,s,id){var js,fjs=d.getElementsByTagName(s)[0],p=/^http:/.test(d.location)?’http’:’https’;if(!d.getElementById(id)){js=d.createElement(s);js.id=id;js.src=p+“://platform.twitter.com/widgets.js“;fjs.parentNode.insertBefore(js,fjs);}}(document,“script“,“twitter-wjs“);