Fyrsti rabbíni Íslands: „Í framtíðinni verður kannski sérstakur skóli fyrir gyðingabörn“

Kristinn H. Guðnason
Laugardaginn 9. júní 2018 12:00

Ljósmynd: DV/Hanna

Rabbíninn Avi Feldmann, eiginkona hans Mushky og tvö börn þeirra eru nýkomin til landsins og munu þau sjá um að skipuleggja og halda utan um trúarstarf gyðinga á Íslandi. Málefni gyðinga hafa verið mjög til umræðu á Íslandi undanfarna mánuði eftir að frumvarp um bann við umskurði drengja var lagt fram á Alþingi í vetur. Kristinn hjá DV ræddi við Avi sem hyggst dvelja hér til langframa.

Þetta er brot úr viðtali í helgarblaði DV.

Sýnagóga, barnaskóli og trúarleg baðlaug í sigtinu

Lítur þú á þig sem trúboða?

„Við lítum svo á að við séum að koma með umgjörð utan um trúarlíf gyðinga til landsins. Þetta er þjónusta fyrir fólk sem vill læra um gyðingdóm af fúsum og frjálsum vilja og ekki aðeins gyðinga. Við erum samt ekki að reyna að snúa fólki til gyðingdóms.“

Hversu margir gyðingar búa á Íslandi?

„Það hefur aldrei verið neitt utanumhald um samfélagið þannig að það hafa aldrei verið til staðar nákvæmar tölur, en þetta eru sennilega nokkur hundruð. En við hugsum meira um einstaklingana en fjöldann. Margir af þeim eru innflytjendur, til dæmis frá Norður- og Suður-Ameríku, en aðrir Íslendingar sem komnir eru af dönskum gyðingum sem fluttu hingað fyrr á öldum. Þetta er góð blanda og fólk þekkist vel innbyrðis.“

Avi segir að Ísland sé hentugt land fyrir gyðinga að búa á. Íslendingar séu almennt trúaðir þó að vissulega séu margir veraldlega sinnaðir. Landið sé í raun heimili margra ólíkra trúarbragða og gyðingdómur á sér stað hér.

„Trúfrelsi er okkur sérstaklega mikilvægt og metum við það mikils við bæði þjóðina og ríkisstjórnina að það frelsi sé til staðar.“

Er takmark ykkar að koma á fót sýnagógu á Íslandi?

„Já, það er framtíðartakmarkið. Núna leigjum við sali undir hátíðir og samkomur, til dæmis á hótelum. En okkur langar til að eignast eigin sýnagógu þar sem við getum beðið og iðkað okkar starfsemi.“

Annað sem Avi vill koma á laggirnar er svokallað Mikvah, sem er nokkurs konar trúarlegur baðstaður. Samkvæmt helgiritum eiga gyðingakonur að baða sig í Mikvah, sérstaklega áður en þær giftast, en mikilvægt er að laugin sé náttúruleg. Avi segir Ísland sérstaklega hentugt þar sem hér séu margar náttúrulegar jarðhitalaugar.

„Vatnið táknar lífið líkt og það sem umlykur okkur í móðurkviði. Mikvah snýst um jákvæða lífsorku og andlega hreinsun og sérstök Mitzvah, eða boðorð, sem gyðingar hafa fylgt í þrjú þúsund ár.“

En sérstaka skóla fyrir gyðingabörn?

„Það er möguleiki en við erum enn þá að læra á þjóðfélagið. Í framtíðinni verður kannski sérstakur skóli fyrir gyðingabörn. Þetta væri skóli þar sem börnunum yrði kennd gyðingleg málefni en auðvitað einnig íslenska og önnur fög.“

Kristinn H. Guðnason
Kristinn Haukur Guðnason er blaðamaður og sagnfræðingur sem starfað hefur hjá DV síðan 2017 en áður skrifaði hann fyrir Kjarnann.
Kristinn skrifar almennar fréttir, mannlífsviðtöl, um söguleg málefni og menningu.
Hann er ólæknanlegur nörd sem eyðir laugardagskvöldum í að spila við sjálfan sig og leggja höfuðborgir heimsins á minnið.

netfang: kristinn@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 2 klukkutímum

Höfðu 36 tíma til að komast í burtu: Fóru alla leið til Íslands og eyddu ekki krónu – Svona fóru þær að því

Höfðu 36 tíma til að komast í burtu: Fóru alla leið til Íslands og eyddu ekki krónu – Svona fóru þær að því
Fókus
Fyrir 2 klukkutímum

Corden kíkti í ræktina um hánótt og bugaðist

Corden kíkti í ræktina um hánótt og bugaðist
433
Fyrir 3 klukkutímum

Þessir skora mest miðað við spilaðar mínútur

Þessir skora mest miðað við spilaðar mínútur
Matur
Fyrir 3 klukkutímum

Hart barist í röðum arkitekta: „Við mætum gallhörð til leiks“

Hart barist í röðum arkitekta: „Við mætum gallhörð til leiks“
Bleikt
Fyrir 4 klukkutímum

Samkvæmt nýrri rannsókn átt þú að eyða svona miklum tíma á samfélagsmiðlum

Samkvæmt nýrri rannsókn átt þú að eyða svona miklum tíma á samfélagsmiðlum
433
Fyrir 4 klukkutímum

Mourinho fær haug af peningum til að eyða í janúar

Mourinho fær haug af peningum til að eyða í janúar
Eyjan
Fyrir 5 klukkutímum

Sprautufíklar fá neyslurými fyrir 50 milljónir

Sprautufíklar fá neyslurými fyrir 50 milljónir
Bleikt
Fyrir 5 klukkutímum

Heiðar Austmann kominn með nóg af skítkasti: „Íslenskt tuð-samfélag hefur náð nýjum hæðum – röflað yfir ÖLLU nú til dags“

Heiðar Austmann kominn með nóg af skítkasti: „Íslenskt tuð-samfélag hefur náð nýjum hæðum – röflað yfir ÖLLU nú til dags“