Jenna hafði áður málað sig sem Sylvester Stallone, Michael Jackson og Elísabetu Bretadrottningu í þeim tilgangi að sýna fram á hæfileika sína á þessu sviði og það var ekki fyrr en hún mátaði andlit Murphy sem allt fór á hliðina.
Hún var ásökuð um að gera nokkuð sem á ensku kallast „blackfacing“ en það er þegar hvítt fólk málar sig eins og svertingja í framan.
Á Instagram síðu Jennu hafa margir látið fúkyrðaflauminn vaða yfir hana meðan aðrir hafa komið henni til varnar.
Einhver kallaði hana „heimska hvíta kerlingu“ og önnur ásakaði hana um að gera grín að svertingjum.
Sjálf hefur Jenna beðist afsökunar á myndinni en um leið tók hún fram að orðið „litur“ hafi aldrei komið henni til hugar þegar hún málaði sig til að líkjast Eddie Murphy.
„Mér leið alveg ömurlega þegar ég sá athugasemdirnar. Ég er bara í sjokki yfir því að einhver líti á mig sem kynþáttahatara og ég er mjög leið yfir því að myndin hafi ögrað fólki. Ég er alls enginn rasisti,“ segir hún í viðtali við Metro og bætir við að hana hafi bara langað til að mála sig eins og Eddie Murphy.
„Það er allt og sumt. Alveg eins og mig langaði að mála mig eins og Elísabetu drottningu og Michael Jackson. Húðlitur hefur bara ekkert með þetta að gera.“
Vinir Jennu voru duglegir að bakka hana upp á Instagram. Einn skrifaði að fólk væri duglegt að leita að vandamálum úti um allt þessa dagana en að hún væri algjörlega frábær kona og ætti alls ekki að eyða tíma í að hafa áhyggjur af þessu.
Þetta er ekki í fyrsta sinn sem förðun skapar vandræði á netinu.
Margir muna jú eftir því þegar förðunarfræðingur sýndi færni sína með því að mála blaðakonuna Mörtu Maríu Jónasdóttur eins og róna og allt fór á hliðina eða þegar kristlegu sumarbúðirnar Ölver birtu mynd af hvítri manneskju með dökkan húðfarða og afró hárkollu nú fyrir skemmstu.