Samfélagsmiðlastjarnan Sunneva Eir Einarsdóttir datt heldur betur í lukkupottinn um helgina þegar hún hitti söngkonuna Jennifer Lopez á tónleikum í Las Vegas. Sunneva birtir mynd af sér með stórstjörnunni á Instagram og líkt og sjá má fór vel á með þeim stöllum.
Sunneva nýtur mikilla vinsælda á samfélsmiðlunum Snapchat og Instagram en á þeim síðarnefnda er hún með hátt í 25 þúsund fylgjendur. Tónleikasýning Jennifer Lopez, All I Have, hefur gengið fyrir fullu húsi í Las Vegas undanfarna mánuði og þykir einkar glæsileg. Þá hóf söngkonan nýlega samstarf með snyrtivörumerkinu Inglot Cosmetics og er nú komin með sína eigin snyrtivörulínu á markaðinn.
Sunneva Eir var í skýjunum með kvöldið líkt og hún greinir frá í færslu sinni á Instagram.
„Þessi helgi var ótrúleg! Ekki bara fór ég á tónleikana All I Have í Vegas og fagna nýju línunni hennar JLO með Inglot heldur fékk ég líka að hitta hana og fagna með henni sjálfri eftir á! Ég er svo þakklát fyrir allt saman, takk fyrir mig.“
Vel fór á með þeim Sunnevu og Jennifer um helgina. Ljósmynd/Instagram.
