Með

Sveinbjörg Birna Sveinbjörnsdóttir, óháður borgarfulltrúi

Snjallsímanotkun barna er vaxandi vandamál hér á landi sem og annars staðar. Hér eru engar samræmdar reglur til um þetta hjá borginni, meðan skólar í Svíþjóð og Frakklandi eru þegar byrjaðir á slíkum bönnum. Notkun snjallsíma ýtir undir kvíða og óöryggi fjölda barna, við höfum dæmi um ljótt einelti þar sem snjallsíminn er notaður.

Á móti

Halldór Auðar Svansson, borgarfulltrúi Pírata

Ég er alveg á móti algjöru banni við notkun snjalltækja í skólum þar sem ég tel það allt of harða og óþarfa aðgerð. Ég væri þó alveg til í að setja einhverjar viðmiðunarreglur til að takmarka notkun þessara tækja og kenna börnum að umgangast þau af ábyrgð. Mér finnst reyndar að við hin fullorðnu gætum lært það betur líka.