fbpx
Miðvikudagur 12.desember 2018
Fókus

Njósnað um íslenskt par í Alicante

Myndavél var falin í loftræstingunni – Hvetja fólk til að fara gætilega

Ari Brynjólfsson
Föstudaginn 16. mars 2018 11:00

Anita Erla Thorarensen og unnusti hennar, Sævar Freyr Þórsson, fengu áfall þegar þau fundu falda myndavél í inni í loftræstingu í íbúð sem þau leigðu í Alicante á Spáni. Íbúðina leigðu þau í gegnum vefsíðuna booking.com.

Anita Erla segir í samtali við DV að þegar hún Sævar komu í íbúðina þann 7. mars síðastliðinn hafi þau skoðað hana vandlega. „Við erum varkár og pössum upp á að skoða allt vandlega. Við litum upp og sáum linsu. Þá tók ég eftir myndavélinni,“ segir Anita Erla. Myndavélin var falin inni í loftræstingu ofarlega á einum vegg og beindist niður að sófanum á móti sjónvarpinu.

Leit perralega út

Falda myndavélin beindist að sófanum.
Falda myndavélin beindist að sófanum.

Mynd: Booking.com

Þau höfðu strax samband við bókunarvefinn booking.com sem ræddi við eiganda íbúðarinnar. Sagði eigandinn í tölvupósti að tækið sem þau höfðu fundið væri til þess að mæla orkunotkun. Eigandinn mætti svo í íbúðina daginn eftir og harðneitaði að þetta væri myndavél.

„Þegar hann kom til okkar og við töluðum við hann um þetta þá var hann mjög stressaður, eins og það væri búið að góma hann. Hann leit líka perralega út,“ segir Anita. Eigandinn endurtók þær fullyrðingar sínar að þetta væri tæki til að mæla orkunotkun, en þau Anita og Sævar voru tilbúin og sýndu eigandanum mynd af Google af myndavélinni og orkumælinum. Ekki fór á milli mála að tækið í loftræstingunni var myndavél en eigandinn hélt áfram að þræta fyrir það.

Mynd innan úr íbúðinni, myndavélin var falin inni í loftræstingu ofarlega á veggnum.
Mynd innan úr íbúðinni, myndavélin var falin inni í loftræstingu ofarlega á veggnum.

Mynd: Booking.com

Anita og Sævar fengu aðra íbúð í gengum booking.com og njóta enn lífsins í Alicante. Anita hvetur aðra sem taka íbúðir á leigu að skoða sig vandlega um. „Fólk þarf að passa sig,“ segir Anita.

Fólk þarf að passa sig

Lítil myndavél í vinsælli íbúð

Íbúðin heitir Sunny Apartment á vef Booking. Hún fær mjög góðar umsagnir á bókunarvefnum og er með einkunnina 8,1 af 10. Hún er miðsvæðis í Alicante, í 10 mínútna göngufæri frá ströndinni og 500 metra göngufæri frá markaðnum. Miðað við umsagnir á vef þá er íbúðin vinsæl meðal para, má þar finna umsagnir ferðamanna frá Danmörku, Írlandi og Ungverjalandi. Ekki liggur fyrir hversu lengi myndavélin var í íbúðinni eða hvort eigandi íbúðarinnar hafi náð fyrri gestum á mynd.

Myndavélar af tegundinni D-Link eru smáar í sniðum, flestar eru rúmlega 7 sentimetrar á hæð og 5 sentimetrar á breidd.
Myndavélar af tegundinni D-Link eru smáar í sniðum, flestar eru rúmlega 7 sentimetrar á hæð og 5 sentimetrar á breidd.

Myndavélin sem þau fundu er af gerðinni D-Link, en þær eru smáar. Framleiðandinn býður upp á ýmsa möguleika, þar á meðal hreyfiskynjara, gleiðlinsur til að fylgjast með stærra svæði, hljóðupptöku og myndupptöku í háskerpu sem hægt er að streyma í gegnum netið og horfa á í gegnum tölvu eða snjallsíma.

Ari Brynjólfsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 18 klukkutímum

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“
Fókus
Fyrir 19 klukkutímum

Vertu með í jóladagatali HIITFIT – Brjóttu upp kyrrsetuna

Vertu með í jóladagatali HIITFIT – Brjóttu upp kyrrsetuna
Fókus
Fyrir 20 klukkutímum

Stjórnin gefur út sitt fyrsta jólalag – Enn ein jól

Stjórnin gefur út sitt fyrsta jólalag – Enn ein jól
Fókus
Í gær

Guðrún Dröfn fann upprunann á verndarsvæði

Guðrún Dröfn fann upprunann á verndarsvæði
Fókus
Í gær

Jodie Foster tekur við af Halldóru sem Halla – „Ég get ekki beðið eftir að leika hana“

Jodie Foster tekur við af Halldóru sem Halla – „Ég get ekki beðið eftir að leika hana“
Fókus
Í gær

Linda Pé var dómari í Ungfrú Heimur 2018

Linda Pé var dómari í Ungfrú Heimur 2018
Fókus
Í gær

Margir minnast Einars Darra: „Hann var með bros sem lýsti upp allt í kringum hann“

Margir minnast Einars Darra: „Hann var með bros sem lýsti upp allt í kringum hann“