Það vakti athygli gesta á íslensku tónlistarverðlaununum, sem voru veitt í gær, að tónlistarmaðurinn Jóhann Jóhannsson, sem lést á dögunum, var ekki sérstaklega heiðraður á hátíðinni. Það verður að teljast nokkuð sérstakt þar sem um er að ræða eitt þekktast tónskáld Íslendinga en hann lést langt fyrir aldur fram.

Tónlistarmaðurinn Högni Egilsson er einn af þeim sem hafði orð á þessu:

,,Leiðinlegt fannst mér þó að sjá Jóhann Jóhannson ekki vera heiðraðan á þessari hátíð. Jóhann var mér góður. Studdi mig og hvatti til að sinna minni köllun sem hann sagði vera „augljósa“. Hann var sannur listamaður sem skapaði tónlist sem stöðvaði tímann. Hann kvaddi lífið en lífið kvaddi hann ekki. Eilífðin er geymd í tónlistinni og hún er svo sannarlega geymd í hans tónum sem stundum virðast smáir en segja sannarlega stóra sögu.“