Heimasíðan Eurovisionworld.com hefur tekið saman niðurstöður fjórtán veðbanka og hvaða líkur þeir gefa hverju landi á sigri í keppninni. Ísland þykir ekki líklegt til sigurs því í samantektinni lendum við í 43. sæti, því neðsta.

Ísrael trónir á toppnum hjá veðbönkunum, en þeir senda hina litríku Netta Barzilai með lagið „Toy“. Þar á eftir spá veðbankar Eistlandi öðru sætinu og Tékklandi því þriðja. Eurovision verður haldið 63. sinn í ár Lissabon í Portúgal þann 8. til 12. maí eftir að Portúgalinn Salvador Sobral söng sig í hjörtu áhorfenda með laginu „Amar pelos dois“ í fyrra.

Hann hefur átt við mikla heilsubresti að stríða og var vart hugað líf í kjölfar keppninnar. Hefði sú staða þá í fyrsta sinn komið upp að sigurvegari ársins á undan myndi ekki geta sungið sigurlag sitt á sviðinu í heimalandinu, en Salvador gekkst undir hjartaígræðslu 9. desember sem heppnaðist vel og verður því að öllum líkindum sviðinu á Lissabon núna í maí.