Tónlistarmaðurinn Pálmi Gunnarsson fagnaði því í vikunni að tuttugu og þrjú ár væru liðin frá því að hann sagði skilið við áfengi og vímuefni.
„Áratuga nær stöðug neysla áfengis og vímuefna með fylgjandi stjórnleysi var þá búin að naga vel af mér og lítið annað eftir en að moka yfir mig. Ég var lúsheppinn held ég, toppaði á hárréttum tíma eins og stundum er sagt, fékk annað tækifæri og fyrir það er ég afar þakklátur. Í dag lyfti ég bolla af svartbrenndu kaffi frá Eldu vinkonu minni á Hahíti og skála fyrir lífinu,“ sagði Pálmi á Facebook.
