fbpx
Fókus

Stórstjarna bætist í hóp leikara í nýjustu mynd Quentin Tarantino

Einar Þór Sigurðsson
Fimmtudaginn 1. mars 2018 11:34

Óhætt er að segja að kvikmyndaaðdáendur bíði með öndina í hálsinum eftir fréttum af nýjustu mynd Quentin Tarantino.

Tarantino er einn allra vinsælasti leikstjóri heims og er hann nú með stórt verkefni í vinnslu um sem mun bera heitið Once Upon a Time in Hollywood.

Mynd: Reuters

Ekki alls fyrir löngu var staðfest að Leonardo DiCaprio færi með hlutverk í myndinni og í gærkvöldi var svo staðfest að Brad Pitt muni einnig leika í myndinni. Er þetta í fyrsta skipti sem þessir vinsælu leikarar leiða saman hesta sína á hvíta tjaldinu. Báðir hafa þó leikið í myndum eftir Tarantino; DiCaprio í Django Unchained og Pitt í Inglorious Basterds.

Tarantino leikstýrir og skrifar handrit myndarinnar sem gerist í Los Angeles árið 1969, þegar hippatímabilið stóð sem hæst og voðaverk Charles Manson og fylgismanna hans héldu borginni í heljargreipum.

Tarantino, sem leikstýrði síðast myndinni The Hateful Eight árið 2015, hefur verið með handrit myndarinnar í vinnslu í fimm ár. Once Upon a Time in Hollywood verður frumsýnd á næsta ári en auk DiCaprio og Pitt hefur verið orðrómur uppi um að Margot Robbie muni einnig fara með hlutverk í myndinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 16 klukkutímum

Hörður Torfason: „Ég set stórt spurningarmerki við Samtökin ’78 í dag og spyr hvað er þetta félag í dag?“

Hörður Torfason: „Ég set stórt spurningarmerki við Samtökin ’78 í dag og spyr hvað er þetta félag í dag?“
Fókus
Fyrir 17 klukkutímum

Fyrsta borgaralega giftingin þvinguð upp á landsmenn

Fyrsta borgaralega giftingin þvinguð upp á landsmenn