Það er fátt yndislegra en þegar tveir einstaklingar játa ást sína fyrir hvor öðrum, vinum og vandamönnum. Á árinu 2017 gengu fjölmörg pör upp að altarinu, hvort sem var í kirkju eða undir berum himni og játuðu ást sína frammi fyrir guði og mönnum. Hér eru nokkrir þekktir einstaklingar sem settu upp hringa á árinu.
Kristbjörg Jónasdóttir og Aron Einar Gunnarsson Brúðkaup ársins er 17. júní brúðkaup Kristbjargar Jónasdóttur, afrekskonu í fitness og einkaþjálfara, og Arons Einars Gunnarssonar, fyrirliða íslenska karlalandsliðsins í fótbolta og leikmanns Cardiff í Hallgrímskirkju. Þau eiga einn son.
Þórdís Kolbrún Reykfjörð Gylfadóttir og Hjalti Sigvaldason Mogensen Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, og Hjalti Sigvaldason Mogensen lögmaður giftu sig 19. ágúst í Akraneskirkju. Þau eiga tvö börn.
Hafdís Björk Jónsdóttir og Jón Jónsson Jón Jónsson söngvari og Hafdís Björk Jónsdóttir tannlæknir giftu sig í Dómkirkjunni 1. júlí. Það var vinur Jóns, uppistandarinn Björn Bragi Arnarsson, sem kynnti þau á sínum tíma og því vel við hæfi að hann væri veislustjóri í brúðkaupsveislunni. Hjónin eiga tvö börn.
Oliver Luckett og Scott Guinn Íslandsvinirnir Oliver Luckett og Scott Guinn giftu sig 17. júní í Grímsnesi og gaf Hilmar Örn Hilmarsson þá saman. Hjónin hafa heillast af landi og þjóð og einu fallegasta einbýlishúsi landsins, Kjarvalshúsinu á Seltjarnarnesi, sem þeir búa í.
Valdimar Víðisson og Sigurborg Geirdal Valdimar Víðisson, skólastjóri í Öldutúnsskóla, og Sigurborg Geirdal kennari giftu sig 10. júní. Valdimar hefur frá barnsaldri verið einlægur aðdáandi þjóðargerseminnar Ragnars Bjarnasonar, sem að sjálfsögðu tróð upp í veislunni, brúðhjónum og gestum til mikillar gleði.
Kristín Tómasdóttir og Guðlaugur Aðalsteinsson Kristín Tómasdóttir rithöfundur og Guðlaugur Aðalsteinsson, auglýsingamógull í Brandenburg, héldu glæsilegt sveitabrúðkaup í Borgarfirði 1. júlí.
Geir Ólafsson og Adriana Patricia Sánchez Krieger Geir Ólafsson söngvari og Adriana Patricia Sánchez Krieger markaðsfræðingur giftu sig 20. ágúst í Bústaðakirkju. Þau eiga eina dóttur.
Esther Talía Casey og Ólafur Egill Egilsson Leikararnir Esther Talía Casey og Ólafur Egill Egilsson buðu í fertugsafmæli í nóvember. Þar komu þau gestum rækilega á óvart þegar afmælið breyttist í brúðkaup. Þau eiga tvö börn.
Auður Ösp Guðmundsdóttir og Kristjón Kormákur Guðjónsson Kristjón Kormákur Guðjónsson, aðalritstjóri DV, og Auður Ösp Guðmundsdóttir, blaðamaður á DV, staðfestu heit sín fyrir fullu húsi gesta í Iðnó 11. nóvember, en Elvis sjálfur gaf þau saman í Las Vegas á jóladag í fyrra. Náðu þau að halda brúðkaupinu leyndu í þrjá daga.
