Fókus

Snorri slær í gegn í Kólumbíu: Sjáðu myndbandið sem er að gera allt vitlaust

Snorri Eldjárn hefur vakið mikla athygli í Kólumbíu

Einar Þór Sigurðsson
Mánudaginn 13. nóvember 2017 17:00

Óhætt er að segja að Snorri Eldjárn Hauksson, 26 ára Dalvíkingur, hafi slegið í gegn á samfélagsmiðlum að undanförnu og þá einna helst í Suður-Ameríkuríkinu Kólumbíu.

Á Facebook-síðu Snorra má finna myndbönd þar sem hann syngur kólumbíska tónlist og virðist tónlistarsköpun hans falla vel í kramið hjá heimamönnum. Hundrað þúsund manns hafa horft á eitt myndbandið og 290 þúsund manns á annað.

Kólumbísk tónlistarstefna

Kaffið vakti fyrst athygli á þessu og ræddi við Snorra.

Í umfjölluninni kemur fram að Snorri hafi dvalið í Cartagena í um þrjá mánuði árið 2016 þar sem hann kynntist Vallenato, kólumbískri tónlistarstefnu þar sem harmonikka kemur mikið við sögu.

„Þetta er mjög heilög tónlist fyrir fólkið sem býr við ströndina í Kólumbíu þar sem textarnir eru yfirleitt mjög tilfinningaþrungnir. Ég fór að hlusta mjög mikið á Diomedes Diaz sem er sennilega þekktasta Vallenato skáldið og söngvarinn. Textarnir og tilfinningin gripu mig alveg frá því ég heyrði lagið Tú eres la reina (Þú ert drottningin) og ég fór að læra þessi lög,“ segir Snorri við Kaffið.

Kom aftur í heimsókn – þá fóru hjólin að snúast

Hann heimsótti Cartagena aftur í október síðastliðnum þar sem hann heimsótti fólkið sem hann kynntist árið 2016. Á heimilinu býr ung stúlka sem bað hann að syngja lagið Tú eres la reina sem hann og gerði. Myndbandið fór á flug á Facebook í kjölfarið.

Því var til að mynda hlaðið upp á vinsæla síðu, Peppa La Costeña, sem að sögn Kaffisins mætti líkja við Flick My Life-síðu íbúa sem búa við ströndina í Kólumbíu, en íbúar þar eru kallaðir Costeños. Þar var gert grín að því „gringo“, orð sem jafnan er notað yfir útlendinga, einkum enskumælandi eða Bandaríkjamenn, í spænskumælandi löndum syngi Vallenato betur en Costeño.

„Ég var fljótur að svara og sagði: „Hahah pappa ég er ekki gringo, ég er motherfucking Íslendingur“. Það er einmitt mikið í anda fólksins við ströndina að blóta,“ segir Snorri við Kaffið en eftir þetta fór hann að fá vinabeiðnir frá ókunnugu fólki í Kólumbíu. Hann samþykkti vinabeiðnirnar, hlóð upp nýju myndbandi þann 10. nóvember og það fór eins og eldur í sinu um netið. Þegar þetta er skrifað hafa hundrað þúsund manns horft á það og 2.600 manns deilt því svo eitthvað sé nefnt. Þá er ótalinn fjöldi þeirra sem hafa skrifað athugasemdir við það.

Hér að neðan má sjá myndbandið en á vef Kaffisins má sjá myndbandið sem hlaðið var upp á Peppa La Costeña.

Einar Þór Sigurðsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 4 dögum

Lauga (30) og Árni (28) á Torfastöðum: „Bændur eru bændum verstir“

Lauga (30) og Árni (28) á Torfastöðum: „Bændur eru bændum verstir“
Fókus
Fyrir 4 dögum

Íslenska karlalandsliðið – MYNDIR: Hrikalega flottir í sérsaumuðum jakkafötum en mættu vinna betur með bindishnútana

Íslenska karlalandsliðið – MYNDIR: Hrikalega flottir í sérsaumuðum jakkafötum en mættu vinna betur með bindishnútana
Fókus
Fyrir 4 dögum

TÆKNI: Svona horfir þú á íslenska landsliðið á RÚV erlendis

TÆKNI: Svona horfir þú á íslenska landsliðið á RÚV erlendis
Fókus
Fyrir 4 dögum

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn
Fókus
Fyrir 6 dögum

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“
Fókus
Fyrir einni viku

Vignir Ljósálfur: „Þegar maður er svona mikið veikur þá verður manni alveg sama um tilveruna“

Vignir Ljósálfur: „Þegar maður er svona mikið veikur þá verður manni alveg sama um tilveruna“