Fókus

Hún kann nýja IKEA bæklinginn utan að

328 blaðsíður – 4818 hluti

Ragna Gestsdóttir
Sunnudaginn 10. september 2017 14:30

Yanjaa Wintersoul fær líklega titilinn „Aðdáandi IKEA númer eitt,“ en hún er búin að læra nýja bæklinginn þeirra utan að. Og við erum ekki bara að tala um nöfn á húsgögnum og öðrum munum, eða hvað er nýtt frá síðasta ári, við erum að tala um að hún er búin að leggja bæklinginn á minnið frá A til Ö: listaverk hangandi á ísskápum, hver er með gleraugu, hvernig mynstur er á mottum og fleira í þeim dúr.

Minnistækni Wintersoul felst í því að hún ímyndar sér að hún sé á staðnum, að hún umgangist fólkið sem er á myndunum, borði matinn, dáist að innanstokksmununum. Svo talar hún sænsku reiprennandi, sem hjálpar örugglega til við að muna nöfnin á vörunum. Wintersoul segir að aðferðin sem hún notar, skapandi minni, virki best til að muna hlutina til frambúðar. Og af myndbandinu að dæma er það rétt hjá henni.

Wintersoul, sem er 23 ára gömul, fæddist í Mongólíu og ólst upp í Stokkhólmi, Kenía og Tokíó. Hún lærði viðskiptafræði við háskólann í Stokkhólmi og hafði hug á að klára hana á helmingi styttri tíma en námið gerir ráð fyrir. Hún rakst á bók um minnistækni og hugsaði með sér að ef „gaurinn“ sem skrifaði bókina gat tileinkað sér tæknina þá gæti hún gert það líka. Og þannig fór, hún kláraði viðskiptafræðina á styttri tíma og tók á sama tíma þátt í minniskeppni, World Memory, þar sem hún vann tvisvar gullverðlaun.

Fyrr á árinu heillaði hún bæði dómara og áhorfendur í Svíþjóð Got Talent, en hún vakti fyrst verulega athygli þegar IKEA fékk hana til að leika í auglýsingaherferð sem sýnd er í Singapore, Malasíu og Taílandi og er í dag þekkt sem „Mennski IKEA listinn.“ Fyrir auglýsingaherferðina þurfti hún að læra utan að 328 blaðsíður bæklingsins og þá 4818 hluti sem í honum eru, á einni viku!

Og með hverju mælir minnismethafinn fyrir aðra sem rembast við að læra og muna hlutina? Wintersoul mælir með göngutúrum. „Að fara í göngutúr nokkrum sinnum í viku hjálpar til við staðbundna vitund, svo ertu að anda og nota líkamann.“

Hún mælir líka með virku endurliti, sem felst í því að í stað þess að lesa sömu blaðsíðuna tvisvar, þá eigi einungis að lesa fyrstu málsgreinina og rifja síðan upp hvað viðkomandi var að hugsa meðan hann las blaðsíðuna. „Hugsaðu um það sem þú lærir.“

Hugarkort (mind map), svefn og hugleiðsla hjálpar Wintersoul líka við að læra og muna hlutina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn

Meghan Markle (36) og Elísabet drottning (92): Óaðfinnalega lekkerar vinkonur í opinberri heimsókn
Fókus
Fyrir 2 dögum

BÓKMENNTIR: Svikaskáldin fimm senda frá sér fagnaðarsöngva á morgun

BÓKMENNTIR: Svikaskáldin fimm senda frá sér fagnaðarsöngva á morgun
Fókus
Fyrir 4 dögum

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“

TÍMAVÉLIN – Skáldkonan Ólöf frá Hlöðum (1857-1933) ólst upp við fátækt: „Oft grét ég þegjandi af leiðindum“
FókusLífsstíll
Fyrir 5 dögum

Dekura: Einstök þjónusta í umsjón leiguhúsnæðis

Dekura: Einstök þjónusta í umsjón leiguhúsnæðis
Fókus
Fyrir 5 dögum

Plötusnúðarnir Sunna Ben og Katla velja Topp 10 uppáhalds lögin: Eru oftast í búrinu þegar þær eru í bænum

Plötusnúðarnir Sunna Ben og Katla velja Topp 10 uppáhalds lögin: Eru oftast í búrinu þegar þær eru í bænum
Fókus
Fyrir 5 dögum

Grýla étur ungabarn lifandi og Bjarni Ben treður sér í nábrók: Hvað gengur á í höfðinu á þér Þrándur?

Grýla étur ungabarn lifandi og Bjarni Ben treður sér í nábrók: Hvað gengur á í höfðinu á þér Þrándur?
Fókus
Fyrir einni viku

11 ára gamall sonur Rikku sýnir meistaratakta sem skurðlæknir: „Framtíðin er í höndum unga fólksins,“ segir mamman stolt

11 ára gamall sonur Rikku sýnir meistaratakta sem skurðlæknir: „Framtíðin er í höndum unga fólksins,“ segir mamman stolt
Fókus
Fyrir einni viku

Bótoxaði Meghan Markle (36) yfir sig?: Internetið andar í poka yfir andlitinu á hertogaynjunni af Sussex

Bótoxaði Meghan Markle (36) yfir sig?: Internetið andar í poka yfir andlitinu á hertogaynjunni af Sussex