Fókus

Alicia Vikander er hin nýja Lara Croft

Í fantaformi – leikur sjálf í áhættuatriðum

Ragna Gestsdóttir skrifar
Sunnudaginn 16. júlí 2017 18:00

Tökur á nýrri kvikmynd um Löru Croft standa nú yfir og er frumsýning á myndinni áætluð í 16. mars 2018. Myndirnar um Löru eru byggðar á samnefndum karakter úr tölvuleik frá 1996, vinsældir hennar síðan hafa verið gríðarlegar og hefur hún birst í fleiri leikjum, teiknimyndaþáttum, kvikmyndum auk þess sem hægt er að kaupa alls konar varning með nafni hennar og myndum á. Einnig hefur hún verið á forsíðu yfir 1.100 tímarita, fleiri en nokkur fyrirsæta hefur gert.

Angelina Jolie gerði Löru Croft ódauðlega á hvíta tjaldinu í tveimur kvikmyndum, 2001 og 2003, og nú er komið að hinni sænsku Aliciu Vikander í endurgerðinni. Myndir af tökustað síðan í febrúar og af Vikander í sumarfríi fyrir stuttu sýna að hún er í fantaformi. Hún leikur sjálf í flestum áhættuatriðum myndarinnar. Auk þess sem hún neglir útlit Löru. Það verður því spennandi að sjá hvernig henni tekst til í hlutverkinu.

Vikander tekur við keflinu af Jolie sem lék Löru Croft í tveimur myndum.
Tekur við af Jolie Vikander tekur við keflinu af Jolie sem lék Löru Croft í tveimur myndum.
Vikander við tökur.
Í tökum Vikander við tökur.

Hin 28 ára gamla leikkona hefur farið nokkuð hratt upp á stjörnuhimininn í Hollywood. Hún fékk Óskarinn 2016 fyrir besta leik í aukahlutverki fyrir Danish Girl, auk þess sem hún skilaði eftirminnilegum hlutverkum í The Man from U.N.C.L.E. (2016) og Jason Bourne (2016). Fimm myndir með henni eru nú í vinnslu.

Á meðal þeirra sem komu til greina í hlutverk Löru Croft í endurgerðinni voru Daisy Ridley, sem leikur Rey í nýjustu Star Wars-myndunum.

Vikander naut sín vel í sumarfríi í Formentera á Spáni með kærastanum Michael Fassbender.
Í sumarfríi Vikander naut sín vel í sumarfríi í Formentera á Spáni með kærastanum Michael Fassbender.
Vikander er ekki stór, 165 sentimetrar og 60 kíló, en hún er í fantaformi.
Í fantaformi Vikander er ekki stór, 165 sentimetrar og 60 kíló, en hún er í fantaformi.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af