Verksýn ehf. er tækniþjónusta með sérhæfingu á sviði viðhalds og endurbóta á mannvirkjum, innandyra sem utan. Hjá fyrirtækinu starfa sérfræðingar sem hafa yfirgripsmikla reynslu á þessu sviði. Verksýn sinnir einnig fjölbreyttum verkefnum sem snúa að eftirliti og annarri ráðgjöf með nýframkvæmdum. Um er að ræða almenna framkvæmdaráðgjöf, álitsgerðir, byggingastjórnun og hönnun mannvirkja. Frá stofnun fyrirtækisins árið 2006 hefur starfsmönnum fjölgað jafnt og þétt og í dag eru tólf starfsmenn hjá Verksýn.
Viðskiptavinir fyrirtækisins eru m.a. einstaklingar, fyrirtæki, stofnanir, fasteignafélög og húsfélög. Markmið Verksýnar er að mæta þörfum viðskiptavina sinna á besta mögulega hátt með nýtingu þeirrar þekkingar og þess mannauðs sem fyrirtækið býr yfir.
Hjá Verksýn starfa sérfræðingar með áratuga reynslu af störfum við mannvirkjagerð og viðhald og endurbætur mannvirkja.
Verksýn starfar eftir gæðakerfi sem vottað er af Mannvirkjastofnun.
Starfsmenn Verksýnar hafa víðtæka reynslu af ráðgjöf um viðhald fasteigna. Þeir búa yfir mikilli fagþekkingu á iðngreinum, sem er ein af helstu undirstöðum vandaðrar og faglegrar ráðgjafar.
Verksýn hefur á að skipa fjölda byggingafræðinga og iðnmeistara. Sérstök hæfni þeirra í greiningu á byggingaskemmdum og þekking á byggingatækni tryggir gæði í skipulagningu, útfærslu, rekstri og viðhaldi fasteigna.
Ástandsskýrsla er það tæki sem fasteignaeigendur og forsvarsmenn húsfélaga hafa til að leggja mat á viðhaldsþörf á hverjum tíma. Ástandsskýrslan gefur glögga mynd af viðhaldsþörf næstu árin og er áreiðanlegur grundvöllur ákvarðanatöku.
Út frá reynslutölum er áætlað að 1–2% af verðmæti fasteigna þurfi til að mæta eðlilegu viðhaldi þeirra á hverju ári. Með því að grípa tímanlega inn í óhjákvæmilegt „hrörnunarferli“ er hægt að minnka framkvæmdakostnað verulega.
Útboðsgögn eru lykilgögn eigenda þegar kemur að framkvæmdum. Verksýn býður út tugi framkvæmda á hverju ári. Með útboðsgögnum er tryggt að verktakar bjóði í verkið á sama grundvelli og eigendur eigi auðvelt með að meta tilboðin.
Þegar ráðist er í viðhaldsframkvæmdir er nauðsynlegt að hafa reyndan umsjónar- og eftirlitsaðila með verkinu. Sem eftirlitsaðili tryggir Verksýn að verktaki sinni þeim skyldum sem á hann eru lagðar samkvæmt ákvæðum útboðsgagna:
• Yfirferð teikninga, rýning og samræming
• Farið er yfir að ábyrgir meistarar séu skráðir á viðeigandi verkliði
• Yfirferð trygginga verktaka
• Gerð verksamninga
• Yfirferð verksins með verktaka og ábyrgum meisturum í byrjun þess
• Yfirfara tæknilegar upplýsingar yfir þau efni sem verktaki hyggst nota við verkið
• Yfirfara verkáætlun verktaka, samræma hana og samþykkja
• Yfirferð fyrirliggjandi verkþátta með verktaka og úrlausn óvissuatriða
• Eftirlit með að framgangur framkvæmda sé samkvæmt áætlun
• Yfirfara og samþykkja dagsskýrslur
• Eftirlit með vinnubrögðum og umgengni á vinnustað allt að fimm sinnum í viku
• Eftirlit með að verklýsingum og útboðsgögnum sé fylgt
• Stjórn reglulegra verkfunda með verktaka og fulltrúa (fulltrúum) verkkaupa
• Ritun fundargerða á verkfundum og frágangur og fjölföldun þeirra eftir fundi. Sent með tölvupósti ef óskað er
• Yfirferð reikninga frá verktaka og samanburður við samþykktar magntölur ásamt því að sannreyna umfang
• Umsjón með hlutaúttektum og lokaúttekt. Ritun úttektaryfirlýsinga
• Önnur dagleg umsýsla og umsjón með framkvæmdum, sem fulltrúi verkkaupa
Kostnaður við umsjón og eftirlit skilar sér til eigenda í hagkvæmni og meiri gæðum framkvæmda.
Nánari upplýsingar má finna á heimasíðunni www.verksyn.is
Verksýn ehf.
Síðumúla 1, 108 Reykjavík
517-6300 – verksyn@verksyn.is
