fbpx
Fókus

Meðalaldurinn verður einhvers staðar í kringum fertugt

Soundgarden rokkmessa á Gauknum

Margrét Gústavsdóttir
Föstudaginn 16. febrúar 2018 18:30

Franz Gunnarsson, gítarleikari og söngvari, er í hópi valinkunnra tónlistarmanna sem standa að sérstakri Soundgarden rokkmessu á Gauknum, laugardaginn 17. febrúar. Messan verður haldin til heiðurs söngvaranum og Íslandsvininum Chris Cornell sem lést aðeins 52 ára að aldri í maí í fyrra.

Heiðurssveitin:

Söngur / Gítar: Einar VilbergGítar / Söngur: Franz GunnarssonBassi / Söngur: Jón Svanur SveinssonTrommur: Skúli Gíslason

Dagskráin samanstendur af helstu lögum rokksveitarinnar Soundgarden þar sem Chris Cornell var forsprakki og helsti laga- og textahöfundur. Einnig mun dúettinn Bellstop koma fram og leika lög frá sólóferli og hliðarverkefnum Chris Cornell.

„Hann var búinn glíma við þunglyndi og kvíða í mörg ár. Notaði bæði lyfseðilsskyld lyf og verkjalyf sem fóru misvel í hann og í raun er dánarorsökin rakin til þeirra því það var í sjálfu sér allt með besta móti í lífi hans þegar hann stytti sér fyrirvaralaust aldur eftir tónleika. Hann var vel kvæntur og átti fallega fjölskyldu,“ segir Franz.

Bellstop:

Elín Jónsdóttir – SöngurRúnar Sigurbjörnsson – Gítar / Söngurhttps://www.facebook.com/bellstop.is/

„Konan hans er búin að „blammera“ lyfjarisana mikið eftir þetta, enda ekki í fyrsta skipti sem fólk á besta aldri fellur frá vegna lyfjanotkunar. Hún heyrði í Chris í síma rétt áður en þetta gerðist, fattaði að það var ekki allt með felldu og bað félaga hans að fara að gá að honum. Þegar sá braut niður hurðina á búningsherberginu var það of seint. Chris var búinn að hengja sig,“ útskýrir Franz og bætir við að flestir forsöngvarar grugg-sveitanna svokölluðu sem komu fram upp úr 1990 hafi svipt sig lífi eða látist af völdum ofneyslu fíkniefna og áfengis: „Sá eini sem er enn á lífi er Eddie Wedder úr Pearl Jam.“

Chris kom tvisvar sinnum til Íslands með tónleika. Í fyrra skiptið með hljómsveit en í seinna skiptið sat hann einn á sviði Eldborgar með kassagítarinn.
Chris Cornell Chris kom tvisvar sinnum til Íslands með tónleika. Í fyrra skiptið með hljómsveit en í seinna skiptið sat hann einn á sviði Eldborgar með kassagítarinn.

Sjálfur hefur Franz verið aðdáandi Soundgarden um árabil en hann vill meina að sveitin hafi ýtt úr vör þessari tónlistarstefnu sem tröllreið öllu í upphafi tíunda áratugarins:

„Flestir halda að Nirvana sé fyrsta grugg-sveitin en Soundgarden var sú fyrsta sem komst á útgáfusamning og kom þannig Seattle, sem tónlistarborg, á kortið,“ segir hann og bætir við að það sem gerði sveitina, og síðar þessa tónlistarstefnu, að því sem síðar varð raunin hafi meðal annars skrifast á textana.

„Á textunum má heyra að höfundarnir voru flestir að berjast við þunglyndi og kvíða enda fjölluðu þeir oftast um þessar dekkri hliðar mannlífsins, og ungt fólk, utanveltu í samfélaginu, tengdi auðveldlega við þetta.“

Hljómsveitin Soundgarden í banastuði á tónleikum seint á síðustu öld.
Soundgarden Hljómsveitin Soundgarden í banastuði á tónleikum seint á síðustu öld.

X kynslóðin verður í essinu sínu

Franz segist reikna með því að meðalaldur tónleikagesta á laugardaginn verði í kringum fertugt og upp úr enda sé það X kynslóðin sem einna helst unni þessari tónlistarstefnu. Þá eigi gruggið sér einnig eldri aðdáendur enda sé kjarni tónlistarinnar sóttur til sveita á borð við The Who og Led Zeppelin.

„X kynslóðin afmarkast af fólki sem er fætt á bilinu 1970 til svona 1985 en rokkunnendur eru auðvitað á öllum aldri,“ segir hann og bætir við að þrátt fyrir að unga fólkið í dag hlusti aðallega á rapp og danstónlist muni rokkið eflaust eiga sterka endurkomu fljótlega: „Þetta fer alltaf í hringi.“

HVAÐ: Soundgarden – Rokkmessa.

HVAR: Gaukurinn.

HVENÆR: Laugardaginn, 17. febrúar 2018.

KLUKKAN: Húsið opnað 21.00. Tónleikar hefjast 23.00

KOSTAR: 2.500 kr. í forsölu. 3.000 kr. við inngang.

ALDUR: 20 ára nema í fylgd með forráðamanni.

FORSALA: https://tix.is/is/event/5379/soundgarden-rokkmessa/

VIÐBURÐUR: https://www.facebook.com/events/188005485083799/

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin.

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 16 klukkutímum

Fjórða Naked Gun myndin í vinnslu – verður Bill Hader nokkuð Drebin?

Fjórða Naked Gun myndin í vinnslu – verður Bill Hader nokkuð Drebin?
Fókus
Fyrir 17 klukkutímum

Sveinn Hjörtur er kominn í hundana – Gengur daglega með hunda úr hundaathvarfi

Sveinn Hjörtur er kominn í hundana – Gengur daglega með hunda úr hundaathvarfi
Fókus
Í gær

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!

Vinkonuhópur klæðir sig í mismunandi gervi sama leikara á hrekkjavöku – Útkoman er frábær!
Fókus
Í gær

Lestrarvinir er skemmtilegt verkefni sem sameinar fjölskyldur og bókelska sjálfboðaliða

Lestrarvinir er skemmtilegt verkefni sem sameinar fjölskyldur og bókelska sjálfboðaliða
Fókus
Í gær

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“

Elín Kára – „Ert þú alltaf að hætta þegar upprunalega planið gengur ekki upp í fyrstu tilraun?“
Fókus
Í gær

Tókstu eftir öllum þessum draugum í The Haunting of Hill House?

Tókstu eftir öllum þessum draugum í The Haunting of Hill House?
Fókus
Í gær

Fjölmenni í 10 ára afmæli UNICEF og Te & Kaffi – 10 daga söfnunarátak

Fjölmenni í 10 ára afmæli UNICEF og Te & Kaffi – 10 daga söfnunarátak
Fókus
Í gær

Ragga nagli – „Föstur eru að eiga sitt stjörnumóment í sviðsljósinu um þessar mundir“

Ragga nagli – „Föstur eru að eiga sitt stjörnumóment í sviðsljósinu um þessar mundir“