fbpx
Miðvikudagur 12.desember 2018
Fókus

Epalhommi – eða bara hommi?

Orðabanki Birtu

Margrét Gústavsdóttir
Sunnudaginn 14. janúar 2018 14:30

Orðið Epalhommi var valið orð ársins 2017 af RÚV, Árnastofnun og félagi íslenskunema í háskólanum. Eins og flestir vita er orðið samansett úr orðinu Epal, sem er sérverslun með hönnunarvörur, og orðinu hommi, sem er það orð sem við nútímafólk notum yfir samkynhneigða karlmenn í dag.

Hommar hafa ekki alltaf átt sjö dagana sæla hér á landi. Fram undir lok síðustu aldar voru hin ýmsu uppnefni höfð um samkynhneigða karla, flest niðrandi og mörg í kynferðislegum tón. Orðið hommi er hins vegar laust við slíkar tengingar þar sem það er stytting og einföldun á alþjóðlega orðinu „homosexual“. Homo er myndað af gríska orðinu „homós“ sem þýðir sami eða sjálfur og latneska orðinu „sexus“ sem notað er um kynferði. Með öðrum orðum sam-kyn-hneigð.

Kynvillingur var algengt orð hér áður fyrr og samkynhneigðir sjaldan kallaðir annað. Á árabilinu 1980–1989 kemur orðið 120 upp í leit, 83 sinnum frá 1970–1979 og 22 frá 1950–1959 en aðeins sex sinnum frá 2010– 2018. Þá er gaman að geta þess að orðið trúvillingur kom upp 29 sinnum frá 1960–1969 en aðeins tvisvar sinnum frá 2010–2018.

Samheiti

HOMMI
attaníoss, kynvillingur, samkynhneigður maður, öfuguggi, samkynhneigður, argur, hinsegin, hinum megin við stakketið, hómósexúal, hýr, kynhverfur, kynvilltur, sódómískur, öfugur.

Vefarinn mikli fá Kasmír – 54. kafli

Salvatore hafði numið sér land í öryggi og hneigði sig kurteislega fyrir ríngulreið hégómans, í svartliðaskyrtu, með eingleri. Hann lagði stund á íkónógrafíu. Slíkt gerir einginn nema hann kunni alla veröldina utanbókar. Bambara Salvatore hafði dvalist í Róm meðal preláta, í Monte Cassino meðal kanúka, á Bretlandi meðal lávarða, í París meðal listamanna, í Berlín meðal kynvillínga, í New York meðal auðmærínga, í Kaliforníu meðal kvikmyndaleikara, í Indíá meðal jógína, í Moskvu meðal taflmanna. Meðan evrópumenn drógu um barkann hver á öðrum fyrir frelsið og föðurlandið dvaldist Bambara Salvatore til skiftis í Austurlöndum og Vesturheimi og dró dár að þessum apaköttum.

Verk Halldórs Laxness (Snara.is)

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin.

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 22 klukkutímum

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“

Kristín Þóra valin í Shooting Stars 2019 – „Sýnir mjög djúpa innsýn og skilning á hlutverkum sínum“
Fókus
Fyrir 23 klukkutímum

Gunni, Högni, Mugison og Raggi fara á Trúnó

Gunni, Högni, Mugison og Raggi fara á Trúnó
Fókus
Í gær

Mosi: Ný plata og útgáfutónleikar

Mosi: Ný plata og útgáfutónleikar
Fókus
Í gær

Ragga nagli – „Þú ert ekki hegðunin þín“

Ragga nagli – „Þú ert ekki hegðunin þín“