Fókus

Löðurmannlegur froðusnakkur

Orðabanki Birtu

Margrét Gústavsdóttir
Laugardaginn 3. febrúar 2018 15:30

Létt verk og löðurmannleg eru auðveld verk vegna þess að svokallað löðurmenni er annað lýsingarorð fyrir aumingja. Að lýsa einstaklingi sem löðurmenni er þó ekki mjög algengt heldur er þetta orð fremur notað yfir einhvers konar verknað.

Það þarf þó ekki endilega að vera líkamlegur verknaður, eins og að lyfta einhverju þungu, heldur getur löðurmannlegur verknaður einnig verið smásálarlegur, aumingjalegur og ámátlegur. Með öðrum orðum þá er löðurmenni lítilmenni, enda gerður úr löðri.

SAMHEITI

armlegur, armur, aumingjalegur, aumlegur, aumur, auvirðilegur, ámáttlegur, bágur, daufur, eymdarlegur, fátækur, greylegur,heilsutæpur, hraklegur, hrörlegur, lasinn, lélegur, linur, ómerkilegur, rolulegur, rýr, ræksnislegur, skitinn, veslaður, veslugur, ælegur

„Það er gamla æfintýrið, þú ætlaðir að ná valdi á heiminum og fórst í læríng til töframanns. Hann hefur kent þér tvær, þrjár þulur. Einn morgun biður hann þig að sækja vatn og fylla dyratunnuna meðan hann sé úti að biðjast beinínga. Það er löðurmannlegt starf að sækja vatn og þú kýst heldur að fara með þulu. Þú hefur yfir Þulu Eitt, og fatan fer sjálfkrafa á stað útí brunn. En þegar þú sérð að hún ætlar að halda áfram að sækja meira vatn eftir að tunnan er full, þá ferðu með þulu númer tvö til að stöðva hana; en það verður til þess eins að fatan hraðar sér enn meira og fyllir húsið. Í skelfíngu þinni ferðu með þriðju þulu, og þá fyrst tekur nú steininn úr.“

Halldór Laxness. Brekkukotsannáll, 34. kafli, síða 242

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin.

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 2 dögum

Björt á von á fjórða barninu

Björt á von á fjórða barninu
Fókus
Fyrir 2 dögum

Hversu vel þekkir þú þessi íslensku orð? – Taktu prófið!

Hversu vel þekkir þú þessi íslensku orð? – Taktu prófið!
Fókus
Fyrir 2 dögum

Anna Lilja nælir í athafnamann

Anna Lilja nælir í athafnamann
Fókus
Fyrir 2 dögum

Þekktir Íslendingar minnast spámiðils: „Ef þú varst frægur þá þekktir þú Stúllu“

Þekktir Íslendingar minnast spámiðils: „Ef þú varst frægur þá þekktir þú Stúllu“
Fókus
Fyrir 2 dögum

Sævar útskýrir Svarthol og hvernig þau virka

Sævar útskýrir Svarthol og hvernig þau virka
Fókus
Fyrir 2 dögum

Ragnheiður leikur í Vikings – „Ég fer þangað sem ég vil og ætla og mér finnst skipta máli“

Ragnheiður leikur í Vikings – „Ég fer þangað sem ég vil og ætla og mér finnst skipta máli“