Frönsk súkkulaðidásemd á 20 mínútum

Skelltu í eina fyrir kaffitímann

Ritstjórn DV skrifar
Laugardaginn 23. desember 2017 17:00

Það er ekki flókið að baka súkkulaðiköku á skömmum tíma. Þessi franska kaka hentar mjög vel með góðu kaffi eða ískaldri mjólk.

Innihald

300 gr dökkt súkkulaði (56%)
150 gr appelsínusúkkulaði
250 g smjör
2 msk síróp
6 egg
100 g hveiti

Aðferð:

Hitið ofninn í 200°. Bræðið súkkulaði, síróp og smjör saman í potti við vægan hita og hrærið í á meðan. Þeytið eggin þar til þau verða létt og ljós og blandið súkkulaðiblöndunni saman við hægt.
Sigtið síðan hveitið út í og blandið varlega saman við með sleikju þar til deigið er orðið silkimjúkt. Notið um 24-26 cm bökunarform og setjið bökunarpappír á botninn á því eða smyrjið með olíu. Hellið deiginu í formið og bakið í 5 mínútur. Þá er álpappír settur yfir formið og bakað áfram í 10-12 mínútur. Kakan á að vera frekar blaut þegar hún er tilbúin.

Það er mjög gott að hella súkkulaðiblöndu ( eins og er í uppskriftinni ) yfir kökuna þegar hún er volg, því þá verður hún blaut og bragðast dásamlega með ís eða þeyttum rjóma og ferskum berjum. Stráið flórsykri yfir í lokin til að fá sætu – og síðan er það svo fallegt fyrir augað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af