Strigamyndirnar slá í gegn og eru frábær jólagjöf

Myndun

Ágúst Borgþór Sverrisson skrifar
Laugardaginn 9. desember 2017 14:00

Myndun er lítið þjónustufyrirtæki á Sauðárkróki sem bæði þjónustar fyrirtæki og selur einstaklingum vinsælar vörur. Myndun er framarlega í skiltagerð, merkingum á fyrirtækisbílum og ýmsu fleiru þessu skylt. Undanfarið hafa strigamyndir frá Myndun slegið í gegn en nú er orðið vinsælt að stækka fjölskyldumyndir og strekkja þær á striga.

„Aðallega eru það einstaklingar sem kaupa þessar strigamyndir í jólagjöf og tækifærisgjafir, gjarnan myndir af fjölskyldu og þess háttar. Fólk sendir okkur ljósmyndir og við stækkum, prentum, lökkum og strekkjum á blindramma úr timbri. Þetta kemur mjög skemmtilega út og það verður dálítill grófleiki í þessu sem er heillandi. Algeng stærð á þessum myndum er 40X60 en þær eru niður í 20X20 og alveg upp í 1,45×2,00 metra fleka,“ segir Þröstur Magnússon, annar eigandi Myndunar, en hann vinnur í fullu starfi hjá fyrirtækinu.

Strigamyndirnar eru ekki dýr jólagjöf en mynd í meðalstærð kostar um 12.000 krónur. En nú um þessar mundir er einmitt 20% afsláttur af strigamyndum til 15. desember.

Myndun leggur áherslu á að veita öllu landinu svona þjónustu og eru myndirnar sendar hvert á land sem er og sendingarkostnaður er innifalinn í öllum pöntunum yfir 10.000 kr. „Við reynum að nýta okkur markaðinn um allt land og það skiptir engu máli þó að við séum staðsettir á Sauðárkróki,“ segir Þröstur.

Gjafabréf og strigamyndir er hægt að panta með því að senda tölvupóst á myndun@myndun.is, hringja í síma 867-5007 eða hafa samband á Facebook-síðunni https://www.facebook.com/myndun/. Að sögn Þrastar nota viðskiptavinir Myndunar mjög gjarnan Facebook-síðu fyrirtækisins enda svarar hann þar öllum fyrirspurnum greitt og vel.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af