Fókus

Kröstí dögurður með bleikju og súrdeigsbrauði

Margrét Gústavsdóttir
Fimmtudaginn 9. nóvember 2017 11:50

UPPSKRIFT

Kröstí súrdeigsbrauð með heitreiktri bleikju, piparrótarsósu og sýrðum lauk

Fyrir fjóra

INNIHALD

½ súrdeigsbrauð, skorið í sneiðar200 g heitreykt bleikja4 egg

Piparrótarsósa

100 g sýrður rjómi1 msk. rifin piparrót1 msk. hunangBörkur af 1 sítrónuSalt og pipar

Súrsaður laukur

Hvítur laukur, 1 stk. Eplaedik 1 dl Sykur 1 dl Vatn 1 dl

Aðferð

Brauðið ristað eða grillað og eggin pönnusteikt. Laukur: Edik, sykur og vatn sett í pott og hitað upp að suðu. Laukurinn skorinn og settur út í. Hrærið vel og látið þetta svo kólna í rólegheitum.Piparrótarsósa: Rífið börkinn af sítrónunni með fínu rifjárni og blandið við sýrða rjómann. Hrærið vel og setjið svo restina af hráefnunum saman við. Geymið í kæli, helst yfir nótt, því sósan er best daginn eftir. Raðið öllu fallega á disk og berið fram með rjúkandi kaffibolla eða ljúffengri mímósu.

Böðvar LeMack, matreiðslumaður á Kröst, tekur heitreikta bleikju fram yfir beikon og fagnar því hversu margir Íslendingar hafa vanið komur sínar á Matarmarkaðinn við Hlemm.

„Við reynum að framreiða heiðarlegan mat á Kröst og leggjum áherslu á rétti úr grillinu. Heitt prótein og kalt meðlæti, ef svo mætti að orði komast, og eins ferskt hráefni og völ er á hverju sinni. Við erum með lítinn en síbreytilegan matseðil enda alltaf að reyna að finna út hvað virkar best fyrir þennan matarmarkað,“ segir Böðvar glaður í bragði.

KRÖST

KRÖST

SUN-FIM 11-22FÖS-LAU 11-23

HLEMMUR MATHÖLLLAUGAVEGUR 107101 REYKJAVÍKICELAND

„Ég sá tækifæri til að bjóða upp á einfaldan en fljótlegan bröns. Sjálfur hef ég nefnilega ekki gaman af því að borða af hlaðborðum en þannig er fyrirkomulagið á mörgum af þeim stöðum sem bjóða dögurð í dag. Mér finnst persónulega skemmtilegra þegar einhver ber fram fyrir mig fallegan, heilsusamlegan og góðan mat á disk, í stað þess að raða sjálfur á hann af hlaðborði.“

Lúxusvandamál að hafa marga svanga gesti

„Bleikjan sem ég er með í þessari uppskrift kemur frá Útey og að mínu mati er enginn betri á Íslandi í þessu fagi í dag. Ég hef sjálfur reynt að reykja bleikju en það tókst alls ekki eins vel og hjá meisturunum í Útey sem hafa gert þetta að listformi. Mér finnst líka gaman að bjóða upp á dögurð sem inniheldur annað en pylsur og beikon. Við erum til dæmis með vegan bröns sem hefur slegið vel í gegn,“ segir Böðvar og bætir við að vikan á matarmarkaðnum byrji yfirleitt hægar en hún endar og að í sjálfu sér sé næstum því meira að gera en hann vildi, sem sé auðvitað lúxusvandamál.
„Íslendingar eru enn í miklum meirihluta gesta, sem er gott vegna þess að það eru fastagestir sem halda stöðunum uppi meðan ferðamennirnir eru skemmtileg og kærkomin viðbót,“ segir Böðvar að lokum.

Margrét Gústavsdóttir
....er félagi nr. 241 hjá Blaðamannafélagi Íslands.
Hún hefur m.a. starfað við sjónvarp og útvarp og verið vinsæll bloggari í gegnum árin. Margrét nam sálfræði og forritun Kaupmannahöfn á þeim árum þegar tæknisinnaðir voru með símboða í beltinu og farsíminn vó sirka 450 grömm en lífsspeki hennar rammast í setningunni:

„Mart smart gerir eitt lekkert.“

margret@dv.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 6 dögum

TÓNLEIKAR: Netgíró keypti restina af miðunum á Guns N‘ Roses

TÓNLEIKAR: Netgíró keypti restina af miðunum á Guns N‘ Roses
Fókus
Fyrir 6 dögum

GAMLAR LJÓSMYNDIR TOPP 10: Fótboltahetjur, framtíðar forseti, ferlega úfinn Oddsson og hermenn á tímaflakki

GAMLAR LJÓSMYNDIR TOPP 10: Fótboltahetjur, framtíðar forseti, ferlega úfinn Oddsson og hermenn á tímaflakki