Stefán Bjarki verður 11 ára í sumar. Hann spilar Fortnite og dreymir um að spila með Steinda, en Steindi er uppáhalds leikari hans.
Stefán Bjarki og móðir hans, Eva Dís, biðla til Steinda í gegnum Facebook. Eva Dís deildi mynd af Stefáni Bjarka með plakat þar sem Stefán Bjarki er með skilaboð til Steinda. Eva Dís biður fólk um að deila myndinni áfram.
„Bara gaman að þessu,“ segir Eva Dís í samtali við DV.
„Endilega deilið þessu og vonandi fær prinsinn minn ósk sína uppfyllta,“ skrifar Eva Dís með myndinni. Hún segir að þau hafi áður reynt að hafa samband við Steinda í gegnum Facebook en það hefur ekki gengið.
„Við ætlum því að prufa þetta og athuga hvort Steindi muni sjá þessa mynd af Stefáni Bjarka,“ segir Eva Dís.
Á plakatinu stendur:
„Ég ætla að reyna á mátt Facebook. Ég heiti Stefán Bjarki og verð 11 ára í sumar. Ég spila Fortnite og mig langar svo mikið að taka leik með Steinda Jr. í Fortnite. Steindi er uppáhalds leikarinn minn og mig langar að hitta hann. Endilega deilið þessu og ég vona að Steindi sjái þetta og vilji hitta mig og/eða adda mér í Fortnite. Hann getur haft samband við mömmu mína í gegnum Facebook. Takk fyrir, Stefán Bjarki.“
Hvað segið þið, eigum við ekki að hjálpa Stefáni Bjarka að ná í Steinda? Endilega deilið þessu áfram.