Það er ekki alltaf tekið út með sældinni að misstíga sig í sviðsljósinu, eins og þessar stjörnur hafa fengið að finna fyrir.
Rapparinn var handtekinn fyrir að ráðast á konu þann 2. febrúar síðastliðinn. Var hann kærður fyrir líkamsárás en einnig konan sem hann réðst á. Þá hlutu þau bæði minniháttar meiðsl.
Fimm mánuðum eftir að grínistinn var handtekinn fyrir að byrla Andreu Constand ólyfjan og misnota hana kynferðislega var hann dæmdur í þriggja til tíu ára fangelsi. Hann dúsir nú á bak við lás og slá, í skugga fjölmargra ásakana um kynferðislegt ofbeldi.
Rapparinn Offset var handtekinn í júlí í fyrra eftir að lögreglan stöðvaði hann fyrir umferðarbrot og fann þrjú vopn í bílnum. Þá fannst einnig marijuana í fórum hans.
Klámstjarnan var handtekin þegar hún var að skemmta á strípibúllu í Columbus í Ohio í Bandaríkjunum í júlí síðastliðnum. Hún var til að mynda kærð fyrir að snerta viðskiptavin staðarins en lögfræðingur hennar, Michael Avenatti, sagði að fóti hefði verið brugðið fyrir Stormy í ljósi þess að hún leysti frá skjóðunni um samband sitt og Donalds Trumps, Bandaríkjaforseta.
Tónlistarmaðurinn var handtekinn í West Palm Beach á Flórída í júlí í fyrra vegna þess að hann braut skilorð. Honum var sleppt klukkutíma síðar og þurfti að borga tvö þúsund dollara í tryggingu. Chris var á skilorði eftir að hann kýldi ljósmyndara í apríl árið 2017.
Leikkonan hefur ýmsa fjöruna sopið en í júní í fyrra var hún færð í gæsluvarðhald fyrir að ráðast að lögregluþjóni og heilbrigðisstarfsmanni. Gerðist þetta viku eftir að hún var send í sálfræðimat vegna skringilegrar hegðunar. Þá var hún einnig handtekin á heimili sínu í Kaliforníu í febrúar í fyrra og kærð fyrir líkamsárás. Heather var fyrst handtekin fyrir ölvunarakstur árið 2008 og fékk hún þriggja ára skilorðsbundinn dóm.
Leikarinn var handtekinn fyrir ölvunarakstur í júní í fyrra og kærður fyrir það sem og að sýna mótþróa við handtöku. Hann greiddi fimm þúsund dollara í tryggingafé og var sleppt.
Glee-stjarnan var handtekin fyrir heimilisofbeldi í nóvember árið 2017 eftir deilur við eiginmann sinn, Ryan Dorsey, á heimili þeirra í Vestur-Virginíu.
Leikkonan var handtekin í nóvember árið 2017 eftir að hún gaf sig fram og játaði að vera með eiturlyf í fórum sínum. Lögreglan var búin að lýsa eftir Rose eftir að hún gleymdi hlut í flugvél sem innihélt leifar af eiturlyfjum.
Leikarinn var handtekinn í Texas í nóvember árið 2017 fyrir ölvunarakstur. Kom í ljós að áfengismagn í blóði hans var tvöfalt meira en leyfilegt er. Honum var sleppt gegn tryggingu nokkrum klukkutímum síðar.
Tónlistarkonan var handtekin í ágúst árið 2017 fyrir að vera með marijuana í fórum sínum. Hún sagði lögreglu að hún notaði eiturlyfið til að lina þjáningar sínar vegna þess að hún væri með krabbamein.
Söngvarinn var handtekinn fyrir ölvunarakstur í júlí árið 2017. Þá var hann einnig með marijuana á sér.
Leikarinn var fyrst handtekinn árið 2007 þegar að hann neitaði að yfirgefa verslun og virtist vera fullur. Hann var kærður fyrir óspektir á almannafæri og látinn laus gegn tryggingarféi. Hann var aftur handtekinn árið 2017 fyrir óspektir og mótþróa við handtöku. Honum var sleppt degi seinna gegn tryggingu.
Golfgoðsögnin var handtekin fyrir ölvunarakstur í maí árið 2017 en var látin laus nokkrum klukkutímum síðar.
Leikkonan var handtekin fyrir þátttöku sína í mótmælum í Norður-Dakóta árið 2016 en var sleppt næsta dag.
Söngvarinn komst í kast við lögin á Miami Beach árið 2014 og var grunaður um að fara í kappakstur, keyra undir áhrifum og með útrunnið ökuskírteini.
Óskarsverðlaunaleikkonan var handtekin fyrir óspektir í apríl árið 2013. Eiginmaður hennar var handtekinn fyrir ölvunarakstur en Reese fyrir að hlýða ekki lögregluþjónum. Reese baðst síðar afsökunar á atvikinu og skammaðist sín mjög svo fyrir það.
Rokkarinn var handtekinn fyrir að keyra án ökuleyfis í maí árið 2001.
Leikkonan var handtekin árið 2007 fyrir að keyra undir áhrifum áfengis og kókaíns. Síðan þá hefur Lindsay verið handtekin fyrir ýmis brot, sem tæki alltof mikið pláss að telja upp hér.
Raunveruleikastjarnan var handtekin fyrir ölvunarakstur í mars árið 2007. Hún fékk skilorðsbundinn dóm, braut skilorð og gaf sig fram við lögregluna í júlí árið 2008. Þá fékk hún 30 daga fangelsisdóm en var bara í þrjá klukkutíma á bak við lás og slá.
Poppkóngurinn var handtekinn árið 2003 vegna ásakana um barnamisnotkun. Honum var sleppt gegn þriggja milljóna dollara tryggingu og sýknaður árið 2005.
Móðirin úr Here Comes Honey Boo Boo var handtekin árið 2008 vegna gruns um þjófnuð. Kærum var vísað frá sama dag.
Lögreglumaður sá leikarann í Culver City í Kaliforníu gangandi um berfættan. Hann var færður í gæsluvarðhald grunaður um ölvun. Þá fannst einnig kókaín í blóði hans og var skikkaður í meðferð.
Leikarinn var handtekinn árið 2006 fyrir að keyra undir áhrifum áfengis. Lögreglumenn gómuðu hann því hann var að keyra of hratt. Við handtökuna var Mel ansi orðljótur í garð gyðinga, eins og frægt er orðið. Hann baðst síðar afsökunar á orðum sínum og fór í meðferð.
Hótelerfinginn var dæmdur til að dúsa í fangelsi í 45 daga fyrir að brjóta skilorð með því að keyra ítrekað án ökuleyfis.
Leikarinn var handtekinn fyrir ölvunarakstur árið 2002. Þremur dögum seinna fór hann í meðferð og fékk þriggja ára skilorðsbundinn dóm.
Home Alone-stjarnan var handtekin árið 2004 fyrir að vera með marijuana á sér, sem og tvö önnur lyfseðilsskyld lyf. Hann játaði sekt sína og fékk skilorðisbundinn dóm og sekt.
Partípían var handtekin árið 2006 fyrir ölvunarakstur og játaði að hafa reykt marijuana og fengið sér Vicodin áður en hún settist við stýrið. Árið 2007 var hún dæmd í fjögurra daga fangelsi, en afplánaði aðeins 82 mínútur.
Guðfaðir sálartónlistar var handtekinn árið 2004 fyrir heimilisofbeldi. Tomi Rae Hynie sagði að söngvarinn hefði ýtt henni niður á gólf þegar þau rifust. Hann þurfti ekki að sitja inni en þurfti að reiða fram rúmlega þúsund dollara í tryggingafé.
Söngvarinn var handtekinn árið 2010 fyrir að vera með 2,6 grömm af kókaíni í fórum sínum. Hann játaði sök og þurfti að vinna samfélagsvinnu og leita sér hjálpar við eiturlyfjafíkn. Hann þurfti einnig að greiða tvö þúsund dollara sekt.
Backstreet Boys-söngvarinn var handtekinn árið 2016 og kærður fyrir líkamsárás eftir slagsmál á bar.
Rapparinn var handtekinn fyrir þjófnað árið 2015 eftir að hann braust inn á heimili í West Palm Beach í Flórída.
