Vöðvafjallið Larry Wheels er á Íslandi um þessar mundir og æfir af kappi með íslenska vöðvabúntinu Hafþóri Júlíusi Björnssyni.
Larry er með tæplega milljón fylgjendur á Instagram og deilir meðal annars mynd af sér í Bláa lóninu á góðri stundu.
https://www.instagram.com/p/Bt6N5DjBuSF/
Saga Larrys er um margt merkileg því barnæska hans var enginn dans á rósum. Hann ólst upp við fátækt í Bronx í New York og flakkaði á milli fósturheimila á aldrinum 7 til 12 ára eftir að móðir hans missti forræði yfir honum. Þegar Larry var tólf ára leitaði hann móður sína uppi á karabísku eyjunni Saint Martin og flutti til hennar.
https://www.instagram.com/p/BuEg7CrBb8K/
Um fjórtán ára aldurinn fékk hann áhuga á að lyfta, en byrjaði ferilinn í vaxtarrækt. Síðar missti hann áhugann á því sporti og byrjaði að einbeita sér að kraftlyftingum í staðinn. Í dag vegnar honum vel í sportinu og er oft kallaður sterkasti vaxtarræktarkappi í heiminum.
https://www.instagram.com/p/Btg4yy1hvwA/