Hin ástsæla söngkona Helga Möller var gestur í Bakaríinu á Bylgjunni um helgina þar sem hún ræddi mikið um Söngvakeppnina og Eurovision. Ræddi hún meðal annars um mikilvægi þess að lög hefði boðskap. Þá greip annar þáttarstjórnandinn, Svavar Örn, tækifærið og las upp texta í einu vinsælasta lagi Helgu Möller, Villa og Lúllu, sem Helga Möller söng ásamt Jóhanni Helgasyni í dúettnum Þú og ég.
Skemmtu litla Villa,
meinarðu svona ( jáá ).
Snertu litla Villa,
dansaðu niðr’á hné.
Hvernig líst þér á,
breidd’ út vængi þína.
Lofaðu mér að sjá,
rkki líta, ekki bíta, ekki halda allt of fast
„Já, það skemmtilega við það að þegar að þetta lag kom út árið 1979 þá varð það mjög vinsælt strax,“ sagði Helga og svipti hulunni af raunverulegum boðskap lagsins.
„Það vissi enginn um hvað þessi texti var í rauninni. Þetta er náttúrulega bara klámtexti, ef við getum sagt svo, í svona felulitunum.“
Hér fyrir neðan má svo hlusta á lagið í heild sinni: