Mál málanna þessa dagana er Eurovision-keppnin sem haldin verður í Ísrael í maí, en Íslendingar velja sinn fulltrúa í keppnina þann 2. mars næstkomandi.

Eurovision-keppnin er eitt af því sem nánast allir hafa skoðanir á, hvort sem þeir elska keppnina eður ei. Tónlistarmaðurinn Bubbi Morthens er einn af þeim.

„Söngvakeppnin líður fyrir það að stór hluti flytjenda er því miður ekki hæfur til að flytja lögin,“ skrifar Bubbi á Twitter. „Lögin eru nánast öll B+. Þetta er mín skoðun,“ skrifar hann jafnframt og bætir við að hann dáist að þeim sem taki þátt í keppninni.

„Ég dáist hins vegar af kjarkinum og trúnni, en við verðum að fara að gera alvöru kröfur um lög og flytjendur.“

Söngva kepninn líður fyrir það að stórum hluta eru flytjendur því miður ekki hæfir til að flytja lögin e lögin eru nánast öll b+ þetta er mín skoðun ég dáist hinsvegar af kjarknum og trúnni en við verðum að fara gera alvöru kröfur um lög og flytjendur ❤️? pic.twitter.com/bQvDsVU7Uy

— Bubbi Morthens (@BubbiMorthens) February 19, 2019

Kannski íhugar Bubbi að taka þátt í Söngvakeppninni að ári, en hann samdi lagið One More Day ásamt Óskari Páli Sverrissyni sem Jógvan Hansen flutti í keppninni árið 2010. Lagið komst alla leið í úrslit, en endaði í 2. sæti á eftir stuðlagi Heru Bjarkar, Je ne sais quoi.