„Mig langaði að staðfesta það að ég á nú einkaleyfi á nafninu IceQueen.“ Svona hefst fréttatilkynning ísdrottningarinnar Ásdísar Ránar Gunnarsdóttur, sem hefur gengið undir nafninu IceQueen eða ísdrottning svo áratugum skiptir. Ástæðan fyrir fréttatilkynningunni er sú að Ásdís Rán segir óprúttna aðila hafa stolið nafnbótinni af sér.
„Það eru kannski margir sem halda að ég hafi átt nafnið IceQueen fyrir en einhvern veginn fannst mér ég ekki þurfa að sækja um það löglega, þar sem ég bjóst ekki við því að einhver myndi reyna að nýta sér það eða koma sér á framfæri með svona þekktu og sérstöku nafni sem ég hef átt og notað í yfir 20 ár, og verið með margar vörulínur undir. En undanfarið hefur borið á því að stúlkur hafa verið að nota nafnið og þar á meðal ein sem hefur verið iðin við að kalla sig IceQueen og er nú líka byrjuð að nota nafnið undir sína hönnun by IceQueen (eins og mínar vörur).“
Ásdísi Rán er ekki skemmt og biður fólk um að hætta að nota nafnbótina sér til framdráttar.
„Mér finnst þetta virkilega leim og kjánalegt að einhver skuli gera svona og ekki getað fundið sitt eigið nafn og byggt það upp í staðinn fyrir að stela vörumerki sem ég hef lagt yfir 20 ára vinnu í. En svona getur fólk verið ósvífið! Ég vil allavega koma þessu á framfæri og vil biðja þá sem eru að nýta sér nafnið á einhvern hátt að hætta því strax vinsamlegast.“
Fréttatilkynninguna má lesa í heild sinni hér fyrir neðan: