Tónlistarmaðurinn Daði Freyr Pétursson og eiginkona hans, Árný Fjóla Ásmundsdóttir, eiga von á sínu fyrsta barni saman. Frá þessu segir Árný Fjóla á Instagram-síðu sinni.
„Bumbulína í skíðaferð í Austurríki. Er reyndar lítið á skíðum en það er samt rosa gaman,“ skrifar Árný Fjóla við mynd af sér með myndarlega bumbu, en hún er komin 33 vikur á leið.
https://www.instagram.com/p/BuBC-FFgGXu/
Hjónin gengu í það heilaga seint á síðasta ári, en hafa verið hálfgerð óskabörn þjóðarinnar síðan þau tóku þátt í Söngvakeppninni með lagið Hvað með það? árið 2017. Þau lentu í öðru sæti, lutu í lægra haldið fyrir Svölu Björgvinsdóttur og Paper, en eignuðust gríðarlega marga aðdáendur þrátt fyrir það.
Fókus óskar hjónunum innilega til hamingju!