DV tók saman lista yfir þær myndir sem eru væntanlegar í kvikmyndahús hérlendis næstu tvær vikurnar.
Hasarmynd um unga konu sem vill komast að því hver hún er, og breyta heiminum.
Hvar: Sambíó og Smárabíó
Hvenær: Frá 15. febrúar í Sambíó og 16. febrúar í Smárabíó
Joan Castleman hefur helgað líf sitt eiginmanni sínum Joe, sem er frægur rithöfundur. Hún hefur sætt sig við framhjáhald af hans hálfu, og afsakanir sem hann tengir við “listina”, með reisn og húmor. En nú er staðfesta Joan að bresta.
Hvar: Sambíóin
Hvenær: Frá 15. Febrúar
Sönn saga eins frægasta gríntvíeykis kvikmyndasögunnar, þeirra Laurel og Hardy, eða Gög og Gokke eins og þeir voru kallaðir á Íslandi. Eftir að gullaldartímabili þeirra er lokið fara þeir í ferð til að skemmta í Bretlandi og á Írlandi.
Hvar: Háskólabíó/Smárabíó
Hvenær: Frá 22. febrúar
Metnaðarfull kona grípur til sinna ráða þegar gengið er freklega framhjá henni á karllæga vinnustaðnum þar sem hún starfar. Hún fær þó óvænt spil á hendur þegar hún öðlast hæfileikann til að heyra hugsanir karlmanna, eftir heimsókn til seiðkonu.
Hvar: Sambíóin
Hvenær: Frá 22. febrúar
Fyrrum fjölbragðaglímukappi og fjöskylda hans hafa í sig og á með því að halda sýningar á litlum stöðum hingað og þangað um Bandaríkin, á meðan börnin dreymir um að ganga til liðs við World Wrestling Entertainment.
Hvar: Smárabíó/Háskólabíó
Hvenær: Frá 22. febrúar
Dularfull fortíð skipstjóra kemur aftur upp á yfirborðið þegar fyrrverandi eiginkona hans finnur hann. Hún er örvæntingarfull og biður um hjálp, en um leið setur hún allt nýja lífið hans í uppnám, þó það sé kannski ekki allt eins og það lítur út fyrir að vera.
Hvar: Sambíóin
Hvenær: Frá 22. febrúar