Nú í kjördæmaviku hafa Sjálfstæðismenn ferðast um landið allt í rútu og heimsótt fjölda bæja og vinnustaði. Flokkurinn hefur verið iðinn við að deila myndum af hringferðinni.
Einn gestur á samkundu flokksins á Egilsstöðum hefur þó vakið sérstaka athygli. Maðurinn, sem DV er ekki kunnugt um hvað heitir, er klæddur í skyrtu, bindi og kúrekahatt, allt er í felulitum, svokölluðu kamó.
https://www.instagram.com/p/Bt0RM79g6D4/
Þetta hefur vakið kátínu og virðist Sjálfstæðisflokkurinn taka þátt því. Á mynd sem flokkurinn birtir af „kamómanninum“ og Hildi Sverrisdóttur, varaþingmanni og aðstoðarmanni Þórdísar Kolbrúnar Gylfadóttur, stendur: „Hildur er alein á þessari mynd.“
Á Twitter slá líka blaðamenn á létta strengi vegna kamó-mannsins. „Þvílíkt lúkk. Kamó hattur, kamó skyrta og toppað með kamó bindi,“ skrifar Stefán Rafn Sigurbjörnsson, fréttamaður á Stöð 2. Þórgnýr Albertsson, blaðamaður á Fréttablaðinu, segir svo: „Það birtist ekkert á þessari mynd hjá mér.“