fbpx
Þriðjudagur 22.janúar 2019
Fókus

Ásmundur er glímumaður ársins – „Minn helsti kostur er að ég get haldið einn á þvottavél“

Ragna Gestsdóttir
Miðvikudaginn 9. janúar 2019 11:00

Ásmundur Hálfdán Ásmundsson frá Reyðarfirði var kosinn glímumaður ársins ásamt Kristínu Emblu Guðjónsdóttur af Glímusambandi Íslands á dögunum, en bæði keppa þau undir merkjum UÍA. Ásmundur er í yfirheyrslu vikunnar hjá Austurfrétt.

Ásmundur, sem er 24 ára gamall, hefur stundað glímu í sextán ár. Í fyrra sigraði hann öll glímumót sem hann tók þátt í á árinu en hans helsta afrek var þegar hann sigraði Íslandsglímuna og hlaut þar með Grettisbeltið í þriðja sinn. Hann hefur sópað til sín verðlaunum undanfarin ár, en hann var kosinn íþróttamaður Vals 2016 og 2017, auk þess að vera íþróttamaður UÍA sömu ár. Hann var kosinn íþróttamaður Fjarðabyggðar árið 2016.

„Þetta var skemmtileg tilnefning, við Reyðfirðingarnir erum að uppskera vel þessa dagana í glímunni, vona að það sé komið til að vera. Það er alltaf gaman að fá þessar viðurkenningar og það hvetur mann til að halda áfram og gera enn betur.

Kemst Ásmundur hærra í glímunni en það sem orðið er? „Ég kemst kannski ekki hærra í íslensku glímunni en ég hef tækifæri á að ná stóru markmiði í vor þegar Evrópumeistaramótið í keltneskum fangbrögðum fer fram hér á Íslandi. Þá verður keppt í glímu, Backhold og Gouren. Þar er markmiðið að ná að minnsta kosti tveimur af þremur gullum þar. Ég ætla að halda áfram svo lengi sem ég hef gaman af þessu,  vona að það verði sem lengst.“

Fullt nafn: Ásmundur Hálfdán Ásmundsson.

Aldur: 24 ára.

Starf: Nemi við Háskólann í Reykjavík, vinn þess á milli hjá Fjarðaáli.

Maki: Marín Laufey Davíðsdóttir.

Börn: Engin svo ég viti til.

Mesta undur veraldar? Að Donald Trump hafi orðið forseti.

Hefur þú notað glímubrögð utan vallar og þá í hvaða tilfellum? Já þau komu sér oft vel þegar ég vann sem dyravörður fyrir nokkrum árum.

Er glíma töff íþrótt? Já mér finnst það, hún er samt vissulega öðruvísi en það sem er vinsælast í dag.

Hver er þinn helsti kostur? Ég get haldið einn á þvottavél.

Hver er þinn helsti ókostur? Ég þarf hjálp með þriggja sæta sófann.

Hvað ertu með í vösunum? Síma, veski, húslykla og kveikjara síðan á áramótunum.

Hvað ætlaðir þú að verða þegar þú varst yngri? Markmaður Arsenal, ef ekki, þá vísindamaður.

Hver er uppáhaldsstaðurinn þinn á Austurlandi? Reyðarfjörður, ekki spurning.

Ef þú gætir öðlast yfirnáttúrulegan kraft, hver væri hann? Að geta haldið á samsettum hornsófa.

Hvernig líta kósífötin þín út? Dallas Mavericks treyja með Dirk Nowitzki og íþróttabuxur.

Hvað er rómantík fyrir þér? Ég veit það hreinlega ekki.

Besta jólagjöfin í ár? Falleg stytta af rjúpu frá Gallerí Snærós á Stöðvarfirði

Af hverju starfar þú í björgunarsveit? Mér finnst mikilvægt að leggja mitt af mörkum ef ég get hjálpað einhverjum í neyð. Einnig hef ég mjög gaman af því að brasa í vondum veðrum, hvort sem það er að festa þakplötur, draga bíla eða leita að fólki.

Hvaða kost í fari einstaklinga kannt þú helst að meta? Kurteisi og heiðarleika fyrst og fremst.

Hver er þín helsta fyrirmynd? Það er rosalega mikið af fólki, þá aðallega fólk sem er að láta gott af sér leiða.

Ef þú fengir að hitta hvaða persónu úr mannkynssögunni sem væri, hver yrði fyrir valinu? Ég væri mikið til í að hitta Morgan Freeman, bara til að hlusta á hann í eigin persónu.

Hver er þín fyrsta æskuminning? Þegar ég var skammaður á leikskólanum fyrir að pissa í gegnum girðinguna með Matta vini mínum.

Mesta afrek? Þegar ég vann Íslandsglímuna og varð Evrópumeistari í backhold á sama ári.

Ertu nammigrís? Já ætli það ekki.

Duldir hæfileikar? Ég er ágætur að elda.

Besta bíómynd allra tíma? Django Unchained.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 9 klukkutímum

Ragga deildi blóðugri mynd á Instagram – „Þið ættuð að sjá hinn gaurinn“

Ragga deildi blóðugri mynd á Instagram – „Þið ættuð að sjá hinn gaurinn“
Fókus
Fyrir 10 klukkutímum

Sarah Jessica Parker tísar endurkomu Carrie

Sarah Jessica Parker tísar endurkomu Carrie
Fókus
Í gær

Ljósið fékk góða gjöf – „Svona framlag skiptir sköpum“

Ljósið fékk góða gjöf – „Svona framlag skiptir sköpum“
Fókus
Í gær

Vildu fanga hráleikann í nýju kynningarmyndbandi fyrir Austurland

Vildu fanga hráleikann í nýju kynningarmyndbandi fyrir Austurland
Fókus
Í gær

Nýr sálfræðitryllir Netflix lofar góðu – Sjáðu stikluna

Nýr sálfræðitryllir Netflix lofar góðu – Sjáðu stikluna
Fókus
Í gær

Á móti sól gefur út nýtt lag – Salt með Madnesssveiflu

Á móti sól gefur út nýtt lag – Salt með Madnesssveiflu