fbpx
Þriðjudagur 22.janúar 2019
Fókus

Kristján Hrannar hlýtur styrk fyrir orgelverk um loftslagsbreytingar

Ragna Gestsdóttir
Mánudaginn 7. janúar 2019 13:30

2,0° eða Tvær gráður nefnist verk eftir organistann Kristján Hrannar Pálsson, sem hlaut styrk úr Tónmenntasjóði kirkjunnar á fimmtudaginn var. Tónmenntasjóður veitir styrki árlega og að þessu sinni hlutu 11 umsækjendur styrk, af 23. Aðrir sem hlutu styrki voru meðal annara Aðalsteinn Ásberg Sigurðsson, og Nótnaútgáfan Alvör fyrir íslensk kórverk.  Styrkirnir voru veittir við hátíðlega athöfn í Háteigskirkju.

Í dómnefnd sjóðsins sitja Hildigunnur Rúnarsdóttir fulltrúi STEFs, Hrafn Andrés Harðarson fulltrúi Rithöfundasambandsins og Margrét Bóasdóttir, söngmálastjóri Þjóðkirkjunnar. Tónmenntasjóður hefur verið starfræktur frá árinu 1974 og er tilgangur hans að efla og styrkja kirkjulega tónlist á Íslandi.

Kristján Hrannar hefur áður unnið tvær plötur með loftslagsbreytingar sem þema, Artic Take One og Sea Take One sem báðar eru aðgengilegar á Spotify. Þar spann hann lög beint á plötu og heitir hvert þeirra eftir borgum og bæjum á norðurslóðum sem hafa orðið fyrir barðinu á loftslagsbreytingum. Þá hélt hann erindi á Arctic Circle 2016 um tónlist og loftslagsbreytingar, og hvernig listamenn geta haft áhrif á hið pólitíska landslag.

,,Í rauninni ættu loftslagsmálin að vera aðaláhugamál hvers og eins. Mér finnst of lítið af list endurspegla þessa stærstu hættu okkar tíma. Pönkhljómsveitir sungu um kjarnorkuvána, hvers vegna syngja svona fáir um stærstu umhverfiskatastrófu sögunnar? Ég vil að tónlistin sé stöðugt í eyrunum á fólki. Alltaf.“

Kristján Hrannar Pálsson starfar í dag sem organisti og kórstjóri hjá Óháða söfnuðinum. Hann stofnaði Óháða kórinn í mars á seinasta ári og hefur komið víða við í popp-, folk-, og raftónlist, bæði sem laga- og textahöfundur og söngvari. Hann starfaði með folkrokkhljómsveitinni 1860 um nokkurt skeið og sendi frá sér rafskotna sólóplötu árið 2013.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 9 klukkutímum

Ragga deildi blóðugri mynd á Instagram – „Þið ættuð að sjá hinn gaurinn“

Ragga deildi blóðugri mynd á Instagram – „Þið ættuð að sjá hinn gaurinn“
Fókus
Fyrir 10 klukkutímum

Sarah Jessica Parker tísar endurkomu Carrie

Sarah Jessica Parker tísar endurkomu Carrie
Fókus
Í gær

Ljósið fékk góða gjöf – „Svona framlag skiptir sköpum“

Ljósið fékk góða gjöf – „Svona framlag skiptir sköpum“
Fókus
Í gær

Vildu fanga hráleikann í nýju kynningarmyndbandi fyrir Austurland

Vildu fanga hráleikann í nýju kynningarmyndbandi fyrir Austurland
Fókus
Í gær

Nýr sálfræðitryllir Netflix lofar góðu – Sjáðu stikluna

Nýr sálfræðitryllir Netflix lofar góðu – Sjáðu stikluna
Fókus
Í gær

Á móti sól gefur út nýtt lag – Salt með Madnesssveiflu

Á móti sól gefur út nýtt lag – Salt með Madnesssveiflu