fbpx
Sunnudagur 20.janúar 2019
Fókus

Sölvi Tryggva: „Ég þorði ekki að sofa í íbúðinni minni í heila viku“

Fókus
Föstudaginn 4. janúar 2019 20:53

Sölvi Tryggvason fjölmiðlamaður og rithöfundur opnar sig inn að kviku í helgarviðtali við Fréttablaðið sem birt er á morgun. Sölvi sem lengi starfaði fyrir Stöð 2 og stýrði þáttum á Skjá einum við góðan orðstír og var einn okkar allra vinsælasti fjölmiðlamaður segir frá því að hann hafi verið greindur með kvíðaröskun á háu stígi, athyglisbrest, svima­heil­kenni, með tvær eða þrjár krónískar meltingar­truflanir, fóta­ó­eirð, síþreytu, kulnun og margt fleira.

Sölvi hefur nú skrifað bók um reynslu sína og greinir þar frá hvaða meðhöndlun hann fékk og hvaða leið hann fór til að ná bata. Nú vill hann miðla reynslu sinni. DV birtir brot úr viðtalinu sem má nálgast í heild sinni á vef Fréttablaðsins og gefur nánari mynd af því hver leið Sölva var út úr ógöngunum. Sölvi eins og margir sem veikjast af kvíða faldi það um skeið og í raun alltof lengi svo ástandið vatt uppá sig. Á einum stað segir Sölvi:

„Ég var því alltaf að fara á klósettið, það var eini staðurinn sem ég gat farið á til að ná áttum. Þar stóð ég því bara, lokaði að mér og reyndi að ná áttum eftir að hafa tekið þriggja mínútna sím­tal. Þetta hljómar fá­rán­lega og ég get hlegið að þessu núna, en á þessum tíma­punkti gat ég ein­hvern veginn ekki bara sagt: Heyrðu, ég er bara sárlasinn.“ 

Það var síðan sem Sölvi var í ferð erlendis í Kyoto í Japan, fjarri vinnunni og öllum heimsins vandamálum á Íslandi sem hann uppgötvaði að hann gæti mögulega náð aftur að verða hann sjálfur og trú á að honum gæti batnað:

„Ég gæti orðið sjálfum mér líkur aftur. Allar þessar pillur, allar þessar læknis­heim­sóknir en svo fann ég loks ein­hverja lausn þegar ég var bara í léttum göngu­túr í fal­legri borg.“

Sölvi fór svo í langt frí en þegar hann hóf aftur störf á Fréttastofu Stöðvar 2 byrjuðu einkennin að láta aftur á sér kræla en Sölvi hafði ekki verið lengi við störf þegar hann var rekinn eftir að hafa gefið Stöð 2 fimm ár af lífi sínu. Þá tók við vikulegur þáttur á Skjá einum, Málið, þáttur sem sló í gegn. Þetta var árið 2013. Sölvi gerði þætti um barnaníð, vændi og undirheimana. Í kjölfarið var honum hótað af tveimur hættulegum mönnum af Litla Hrauni.

Ég þorði ekki að sofa í í­búðinni minni í heila viku og fann að nú væri komið gott af öllum þessum þyngslum,“ segir Sölvi og bætir við:

„Ég á­kvað þarna að taka heilsuna miklu fastari tökum og leita eigin lausna, þar sem ég hafði fengið veru­lega lítið úr lang­ferð minni til allra helstu sér­fræði­lækna sem hægt er að nefna. Ég fór að prófa mig á­fram með jóga, hug­leiðslu og köld böð.“

Um þetta leyti fór Sölvi að huga betur að næringu og kafa dýpra í allt sem viðkemur heilsu:

„Ég fór smám saman úr því að kveljast í kvíða yfir öllum mögu­legum og ó­mögu­legum hlutum yfir í það að ganga upp Esjuna á stutt­buxum í janúar­mánuði,“ segir Sölvi og bætir við:

„Grín­laust, þá breytti öll þessi hreyfing og hug­leiðsla lífi mínu. Líkami og hugur eru ná­tengd fyrir­bæri.“

Fyrir ári ákvað Sölvi að leggja snjallsímanum og vinda sér í bókaskrif: „Ég er í bókinni að deila öllu sem ég hef lært.“

Viðtalið í heild má lesa á vef Fréttablaðsins.

Fókus
Á Fókus finnur þú umfjöllun um fólk, bæði í fréttamolum og styttri og lengri viðtölum, Tímavélina, umfjöllun um menningu: bækur, kvikmyndir og sjónvarp, leiklist, tónlist og tónleika, viðburði,
próf, gjafaleiki og fleira. Ert þú með ábendingar, hugmyndir eða efni fyrir Fókus, upplýsingar um viðburði, eða annað? Sendu okkur þá línu á fokus@fokus.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku

Netflix kaupir dreifingarréttinn á Rétti í Þýskalandi, Frakklandi, Ítalíu, Spáni og Suður Ameríku
Fókus
Í gær

Simmi kveður – „Það er gaman að skila góðu búi af sér“

Simmi kveður – „Það er gaman að skila góðu búi af sér“
Fókus
Fyrir 2 dögum

Ótrúleg breyting á Röggu nagla: Birti mynd af sér fyrir 10 árum – Sjáðu muninn

Ótrúleg breyting á Röggu nagla: Birti mynd af sér fyrir 10 árum – Sjáðu muninn
Fókus
Fyrir 2 dögum

Sveppi missti bróður sinn: „Þetta var hræðilegt og truflar mig ennþá daginn í dag“

Sveppi missti bróður sinn: „Þetta var hræðilegt og truflar mig ennþá daginn í dag“
Fókus
Fyrir 3 dögum

Hverjir eru með stærstu og smæstu typpin í Hollywood? – Sú ráðgáta er loksins leyst

Hverjir eru með stærstu og smæstu typpin í Hollywood? – Sú ráðgáta er loksins leyst
Fókus
Fyrir 3 dögum

Rúrik og Nathalia njóta lífsins saman

Rúrik og Nathalia njóta lífsins saman