fbpx
Miðvikudagur 20.febrúar 2019
Fókus

Önnur kvikmynd um Facebook í vændum?

Tómas Valgeirsson
Þriðjudaginn 15. janúar 2019 19:00

Ekki missa af Helstu tíðindum dagsins í pósthólfið þitt

Lesa nánar

Hinn virti handritshöfundur Aaron Sorkin, sem skrifaði meðal annars verðlaunamyndina The Social Network, er klár í framhaldssögu af myndinni. Þetta kemur fram á fréttavefnum Associated Press en þar segir hann að sé alveg kominn tími á nýja sögu um þróun samfélagsmiðilsins Facebook og helstu aðstandendur á bak við hann.

Í kvikmyndinni The Social Network er fjallað um frumkvöðulinn Mark Zuckerberg, upprisu samskiptamiðilsins og lögsóknir í garð hans. Segir Sorkin að svo margt athugavert og forvitnilegt hafa gerst frá stofnun fyrirtækisins í lífi Zuckerbergs nóg svigrúm sé til að segja nýja sögu. Handritshöfundurinn er ekki einn á því og segir í samtali við ofannefnda fréttaveitu að kvikmyndaframleiðandinn Scott Rudin hjá Sony hafi oft beðið um nýja mynd.

Jesse Eisenberg fór með hlutverk Zuckerbergs í kvikmyndinni. Óvíst er enn hvort hann endurtaki leikinn.

The Social Network kom út árið 2010 og sló allsvakalega í gegn. Myndinni var leikstýrt af kvikmyndagerðarmanninum David Fincher (Se7en, Fight Club, Gone Girl og fleiri) og hlaut átta Óskarstilnefningar á sínum tíma, þar á meðal í flokki bestu kvikmyndar, besta leikstjóra og bestu kvikmyndatöku svo eitthvað sé nefnt.

Myndin vann þrjú verðlaun á þeirri hátíð, fyrir bestu frumsömdu tónlist, bestu klippingu og besta handrit sem byggt var á öðru efni. Einnig halaði inn myndin hátt í 230 milljónir Bandaríkjadali á heimsvísu og þykir það meira en næg ástæða að mati framleiðenda til að henda í eina framlengingu.

Sorkin kom fram í litlu hlutverki í kvikmyndinni frá 2010. Sorkin er þekktur fyrir að standa á bak við þætti á borð við The West Wing og The Newsroom, svo dæmi séu tekin.

Að svo stöddu eru engin smáatriði komin á hreint og ekki komið formlegt grænt ljós. Hins vegar hefur Sorkin talsvert áhrifavald og má segja að þátttaka hans og áhugi spili mikinn þátt í þróun nýrrar myndar.

Handritshöfundurinn hefur gefið í skyn að ýmislegt standi til boða í framhaldssögunni hvað skandala varðar; þar á meðal þegar bandarísk þingnefnd yfirheyrði Zuckerberg í margar klukkustundir. Þetta var vegna þess að persónuupplýsingar meira en 80 milljóna Facebook notenda komust í hendur starfsmanna fyrirtækis sem notaði upplýsingarnar meðal annars til að hafa áhrif á úrslit bandarísku forsetakosninganna.

Tómas Valgeirsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin

Ef erlent kvikmynda- og sjónvarpsefni væri allt „döbbað“ á Íslandi: „Vitki er aldrei seinn“ – Sjáðu myndböndin
Fókus
Í gær

Króli um eitraða karlmennsku: „Þetta er mér mikið hjartans mál“

Króli um eitraða karlmennsku: „Þetta er mér mikið hjartans mál“
Fyrir 2 dögum

Foreldrar og barn drukknuðu á sömu slóðum en ekki á sama tíma

Foreldrar og barn drukknuðu á sömu slóðum en ekki á sama tíma
Fyrir 2 dögum

Tímavélin: Vinnumaður í Bárðardal kæfði verðandi barnsmóður sína

Tímavélin: Vinnumaður í Bárðardal kæfði verðandi barnsmóður sína