fbpx
Fimmtudagur 24.janúar 2019
Fókus

Shaquille O´Neal lækkar verð á Floridahöll sinni um nokkrar milljónir

Ragna Gestsdóttir
Föstudaginn 11. janúar 2019 11:00

Körfuboltakappinn og fyrrum stjarnan úr NBA setti fasteign sína á sölu fyrir 28 milljónir dollara, í byrjun árs lækkaði hann verðmiðann niður í 21,99 milljónir dollara.

O´Neal keypti eignina árið 1993, og hefur breytt henni og endurbætt í gegnum árin. Um er að ræða 2880 fm eign, sem samanstendur af 12 svefnherbergjum og 11 baðherbergjum og 4 hálfum baðherbergjum. Eignin er bak við læst hlið Isleworth golf samfélagsins.

Í anddyrinu eru tveir speglum prýddir stigar upp á efri hæðina. Stofan sem er heilir 366 fm er með risastórum marmaraarinn og nokkrum setusvæðum. Borðstofan er líka í yfirstærð með sætarými fyrir 16 gesti og eldhús með öllum helstu þægindum.

Á efri hæðinni er hjónaherbergið litlir 275 fm, með arinn, fataherbergi, tvennum svölum og tveimur baðherbergjum.

Fimm önnur svefnherbergi eru í gestaálmunni, leikjaherbergi og salur með bar/eldhúsi þar sem upplagt er að taka á móti gestum. Eigninni tilheyrir eignin „Shaq miðstöð“ þar sem er körfuboltavöllum, fiskaherbergi í egypskum stíl með fiskabúri, húsbóndaherbergi með bar, fjölskylduherbergi með veggmynd af trukk í þrívídd, heimabíó og bílskúr fyrir 17 bíla.

Eigninni tilheyrir einnig annar bílskúr sem breytt hefur verið í dansstúdíó með speglum á veggjum og upptökustúdíó.

Í bakgarðinum eru útieldhús og hús með borðstofu, þar sem litið er yfir sundlaug með vatnsfalli.

Löng bryggja nær út í vatnið með yfirbyggðu bátaskýli.

O´Neal festi á síðasta ári kaup á heimili í Bell Canyon í Los Angeles.

Sjá má upplýsingar um eignina hér.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Forvarnir í formi jafningjafræðslu – rafrettur, tóbaksneysla og geðheilbrigði

Forvarnir í formi jafningjafræðslu – rafrettur, tóbaksneysla og geðheilbrigði
Fókus
Í gær

Ómar Freyr: „Djöfullinn er að þér úrkynjaði kynvillingurinn þinn“

Ómar Freyr: „Djöfullinn er að þér úrkynjaði kynvillingurinn þinn“