fbpx
Þriðjudagur 22.janúar 2019
Fókus

Samferða styrkti 102 fjölskyldur – Fjölskyldur með langveik börn og fólk með sjúkdóma

Ragna Gestsdóttir
Fimmtudaginn 10. janúar 2019 10:00

Stjórn góðgerðarsamtakanna Samferða birti 31. desember yfirlit yfir árið 2018 á Facebook-síðu sinni. Nóg var að gera á árinu, en starfsemi og úthlutanir samtakanna hafa aukist árlega síðan samtökin voru stofnuð í nóvember 2016. Fyrir þann tíma rak Örvar Þór Guðmundsson upphafsmaður þeirra góðgerðarstarfið á eigin nafni og kennitölu.

Stjórn Samferða skipa: Rútur Snorrason, Örvar Þór Guðmundsson, Sigurlaug Ragnarsdóttir, Hermann Hreiðarsson og Brynja Guðmundsdóttir. Að auki hefur Kristinn Tómasson séð um að útbúa allt markaðsefni fyrir Samferða.

Stjórn samtakanna hittist í hverjum mánuði og úthlutaði styrkjum til fólks sem þau fá góðar ábendingar um. Bæði þar sem langveik börn áttu í hlut og svo fólk á öllum aldri sem er að glíma við lífsógnandi sjúkdóma. Mest er þetta unnið eftir ábendingum frá fólki um land allt og einnig frá Ragnheiði hjá Krafti (ungt fólk með krabbamein), Ljósinu og Krabbameinsfélaginu, svo eitthvað sé nefnt.

Samferða styrkti 102 fjölskyldur á árinu

Árið 2018 styrkti Samferða 102 fjölskyldur í landinu, alls um sex milljónir. 42 fjölskyldur voru styrktar á tímabilinu janúar – nóvember og síðan fengu 60 fjölskyldur styrki í árlegri jólasöfnun í desember.

Að auki höfum lagði Samferða sitt af mörkum í Hnífsdal, Akureyri, Vestmannaeyjum og Hafnarfirði með góðgerðarsamkomum til styrktar einstaklingum og fjölskyldum í viðkomandi bæjarfélögum. Hyggst Samferða standa að fleiri viðburðum um land allt, á komandi árum. Þá má finna Samferða inn á hlaupastyrkur.is í tengslum við Reykjavíkurmaraþonið og vona samtökin að sem flestir sjái sér fært um að hlaupa til styrktar Samferða á komandi árum.

Staða á reikning hjá Samferða þann 31. desember var 1.414.306 krónur

Samferða góðgerðarsamtök voru stofnuð í nóvember 2016 og eru fimm aðilar sem skipa stjórn samtakanna. „Við í stjórninni deilum sömu áherslum og framtíðarsýn, það er við vinnum af hugsjón í 100% sjálfboðaliðavinnu. Enginn yfirbygging né kostnaður, hver einasta króna fer á þann stað sem hún á að fara á. Deloitte sér til þess að allt bókhald sé til fyrirmyndar og upp á borðinu,“ segir Rútur.

Markmið okkar er og verður að gera þau atriði og þá þætti, er snúa að góðgerðarmálum rétt og vel. Í leiðinni skapa trú og traust almennings í landinu á okkar starfi, því ekki er vanþörf á.

Umfram allt – hjálpa og aðstoða þá er minna mega sín, sem því miður er svo sannarlega ábótavant um allt land. Ég vil biðja þig vinsamlegast um að læka við síðu okkar á Facebook – fylgjast með og taka þátt í uppbyggingu samtakanna um ókomin ár. Takk fyrir að vera samferða okkur á þessu ári. Við ætlum okkur stóra hluti árið 2019 og með þinni hjálp mun það takast fyrir þá sem minna mega sín.

Fyrsti fundur Samferða verður haldinn 22. janúar. Sú breyting verður á í ár að aðeins verður tekið á móti ábendingum og þeir einir munu fá styrk sem hafa ekki fengið styrk áður frá Samferða.

Tekið er á móti öllum góðum ábendingum á netfangi Samferða: godgerdarsamtokin@gmail.com.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 10 klukkutímum

Ragga deildi blóðugri mynd á Instagram – „Þið ættuð að sjá hinn gaurinn“

Ragga deildi blóðugri mynd á Instagram – „Þið ættuð að sjá hinn gaurinn“
Fókus
Fyrir 10 klukkutímum

Sarah Jessica Parker tísar endurkomu Carrie

Sarah Jessica Parker tísar endurkomu Carrie
Fókus
Í gær

Ljósið fékk góða gjöf – „Svona framlag skiptir sköpum“

Ljósið fékk góða gjöf – „Svona framlag skiptir sköpum“
Fókus
Í gær

Vildu fanga hráleikann í nýju kynningarmyndbandi fyrir Austurland

Vildu fanga hráleikann í nýju kynningarmyndbandi fyrir Austurland
Fókus
Í gær

Nýr sálfræðitryllir Netflix lofar góðu – Sjáðu stikluna

Nýr sálfræðitryllir Netflix lofar góðu – Sjáðu stikluna
Fókus
Í gær

Á móti sól gefur út nýtt lag – Salt með Madnesssveiflu

Á móti sól gefur út nýtt lag – Salt með Madnesssveiflu