fbpx
Mánudagur 10.desember 2018
Fókus

Frumflutningur á verkum eftir Gunnar Andreas Kristinsson og Sigurð Sævarsson

Ragna Gestsdóttir
Laugardaginn 29. september 2018 09:00

Bandaríski orgelleikarinn James David Hicks heldur tónleika á vegum Listvinafélags Hallgrímskirkju í dag kl. 17, þar sem hann frumflytur meðal annars verk eftir tvö íslensk tónskáld, Gunnar Andreas Kristinsson og Sigurð Sævarsson. 

Yfirskrift tónleikanna er Norræn orgeltónlist, en James hefur undanfarin ár lagt ríka áherslu á að auðga orgelbókmenntir Norðurlandanna með þvi að panta verk frá norrænum tónskáldum. Þessi verk hefur hann einnig hljóðritað fyrir geisladiska á mörg frægustu orgel Norðurlandanna og mun hann taka upp geisladisk á Klaisorgel Hallgrimskirkju á næstunni sem kemur út hjá útgáfufyrirtækinu Pro Organo.

James David Hicks

Á tónleikunum á laugardaginn frumflytur James D. Hicks meðal annars orgelverkin Lingua (2018) eftir Gunnar Andreas Kristinsson og Himna smiður (2017) eftir Sigurð Sævarsson, sem hann pantaði frá þeim.

Tónleikarnir eru frábær vitnisburður um mikinn áhuga Hicks á norrænni tónlist, en hann leikur einnig verk eftir Kristian Blak, Fredrik Sixten, Nils Lindberg, Lars Karlsson (frumflutningur), Anders Börjesson, Jesper Madsen og Fantasía um Ísland, farsæla frón eftir  Hildigunni Rúnarsdóttur.

James D. Hicks er fæddur í Bandaríkjunum og lauk meðal annars prófgráðum í tónlist við háskólana í Yale og Cincinatti, en hann starfaði meðal annars í 26 ár við Biskupakirkjuna í Morristown í New  Jersey. Hann hefur haldið tónleika víða um heim og á síðustu árum hefur hann einbeitt sér að Norðurlöndunum þar sem hann hefur einnig dvalið við upptökur og tónleikahald.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Jólabækur Drápu
Fókus
Í gær

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“

Guðrún Dröfn fann upprunann á verndarsvæði: „Ég gekk beint að leiðinu hennar ömmu því ég fann fyrir sterkum tengslum við hana“
Fókus
Í gær

Elsta jólagjöf Þórunnar

Elsta jólagjöf Þórunnar