Playboy fyrirsætan og athafnakonan Arna Bára Karlsdóttir giftist unnusta sínum Heiðari Árnasyni í Las Vegas í gær. Hún skýrir frá þessu á Facebooksíðu sinni og birtir myndir frá athöfninni. Arna Bára og Heiðar eiga þrjá syni.

Mikill fjöldi fólks fylgir Örnu Báru á samfélagsmiðlum þar sem hún segir frá lífi sínu og birtir myndir af fjölmörgum ferðalögum sínum en hún ferðast mikið vegna fyrirsætustarfanna. Ekki er annað að sjá en hún hafi nóg að gera við að ferðast og sitja fyrir. Arna Bára skýrði frá giftingunni á Facebook og birti fjölda mynda frá henni og skrifaði við:

 „Soooooo what happens in Vegas always gets out right ??“

Fjöldi fólks hefur óskað nýgiftu hjónunum til hamingju í athugasemdakerfinu og virðist þetta hafa komið flestum í opna skjöldu. Arna Bára hefur þó róað fólk og sagt að þetta sé bara upphitun, það verði opinbert brúðkaup síðar.

Við óskum henni og Heiðari til hamingju með giftinguna.