fbpx
Laugardagur 15.desember 2018
Fókus

Sigurður vill komast aftur út í atvinnulífið en hann fær ekki vinnu: „Upplifi þetta eins og einelti“

Ágúst Borgþór Sverrisson
Laugardaginn 22. september 2018 10:00

„Ég missti vinnuna árið 2015 vegna heilsuleysis. Núna er ég orðinn góður aftur og vil endilega komast aftur á vinnumarkaðinn. En það gengur illa,“ segir Sigurður Haukdal, 49 ára gamall, sem hefur sótt um tugi starfa undanfarið ár án árangurs.

„Ég fær alltaf sama svarið, þetta hér: Nei.“

Almennt hefur atvinnuástand verið mjög gott hér á landi undanfarin ár. Á öðrum ársfjórðungi þessa árs var 3,6% atvinnuleysi meðal karlmanna, sem telst lágt. En það verða alltaf einhverjir undir í samfélaginu. Er Sigurður einn þeirra? Við getum ekkert fullyrt um endanlegar ástæður þess að atvinnuleitin gengur hægt, en Sigurður segir:

„Ég hef ábyggilega sótt um hátt í 40 störf síðasta árið. Ég sæki mest um hjá borginni, á frístundaheimilum og sem skólaliði í skólum. Ég upplifi þetta sem einelti. Menn vísa í gömul vottorð um að ég sé óvinnufær en ég er með nýtt vottorð upp á að ég er orðinn fullkomlega vinnufær. Ég tel að skólastjóri einn hafi sent þau skilaboð út í borgarkerfið að það eigi ekki að ráða þennan mann í vinnu.“

Sigurður rétt eftir aðgerðina

Tútnaði út af bjúg eftir aðgerð og þyngdist mikið

Árið 2015 greindist Sigurður með góðkynja æxli og þurfti að gangast undir aðgerð. „Það var tekið úr mér miltað og hálft brisið. Ég fékk sykur í æð sem olli mikilli bjúgmyndun. Ég þyngdist ofboðslega eftir aðgerðina og var kominn yfir 180 kg. Ég hef hins vegar lést mjög mikið og er kominn niður í rúm 90 kg. Ég fer líka í ræktina fjórum sinnum í viku og sund þrjá daga vikuna og er kominn í hörkuform,“ segir Sigurður. Hann er þó með sykursýki týpu 2 og þarf að taka inn insúlín.

Sigurður leigir félagslegt húsnæði og segist lifa af lífeyrissjóðsgreiðslum og greiðslum frá Tryggingastofnun ríkisins. „Ég vil komast af bótum og út á vinnumarkaðinn, það þurfa aðrir að komast á bætur. Ég vil bara fá tækifæri því ég er vel hæfur til þeirra starfa sem ég sæki um.“

Sigurður er fráskilinn en á tvö börn, 16 ára son og tvítuga dóttur. „Maður myndi vilja geta veitt börnunum meira. Ég get ekki einu sinni gefið þeim almennilegar jólagjafir og afmælisgjafir,“ segir Sigurður sem vonast eftir starfi fljótlega.

Ágúst Borgþór Sverrisson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Snarlúkkar þessi kerra!
Fókus
Fyrir 16 klukkutímum

Ragga nagli komin með Heilsuvarp

Ragga nagli komin með Heilsuvarp
Fókus
Fyrir 17 klukkutímum

DV Tónlist : FM Belfast í beinni útsendingu kl. 13.00

DV Tónlist : FM Belfast í beinni útsendingu kl. 13.00
Fókus
Í gær

Allir gráta og Minningarsjóður Einars Darra færa leik- og grunnskólum kærleiksgjöf

Allir gráta og Minningarsjóður Einars Darra færa leik- og grunnskólum kærleiksgjöf
Fókus
Í gær

Frægir sem hata jólin – „Hvílík sóun á pappír!“

Frægir sem hata jólin – „Hvílík sóun á pappír!“
Fókus
Í gær

Dillon og Bulleit safna fyrir Geðhjálp og Rauða krossinn – Húðflúr gegn myrkrinu

Dillon og Bulleit safna fyrir Geðhjálp og Rauða krossinn – Húðflúr gegn myrkrinu
Fókus
Í gær

Tónlistarspekúlantar hafa fundið formúlu hins fullkomna jólasmells

Tónlistarspekúlantar hafa fundið formúlu hins fullkomna jólasmells
Fókus
Í gær

Hrafn var búinn að hringja um allt – Fann það sem hann vantaði á spottprís í Costco

Hrafn var búinn að hringja um allt – Fann það sem hann vantaði á spottprís í Costco
Fókus
Í gær

Ævar vísindamaður með Þína eigin auglýsingu – Sjáðu myndbandið

Ævar vísindamaður með Þína eigin auglýsingu – Sjáðu myndbandið