fbpx
Þriðjudagur 19.febrúar 2019
Fókus

Meghan gefur út matreiðslubók – Fyrsta góðgerðarverkefnið í samvinnu við eftirlifendur Grenfell-eldsvoðans

Ragna Gestsdóttir
Laugardaginn 22. september 2018 19:00

Ekki missa af Helstu tíðindum dagsins í pósthólfið þitt

Lesa nánar

Meghan Markle hélt á fimmtudag boð í Kensingtonhöll, ásamt eiginmanni sínum Harry Bretaprins og móður sinni, Doria Ragland. Tilefnið var útgáfa bókarinnar, Together: Our Community Cookbook.

Meghan faðmar konur frá Hubb Community Kitchen.

Meghan ritar formála bókarinnar, en hluti af ágóða hennar rennur til Hubb Community Kitchen, sem er góðgerðarfélag. Í boðinu sá hertogaynjan um að færa gestum mat, ásamt konum frá Hubb Community Kitchen, en konurnar eru fyrrum íbúar Grenfell turnsins sem eyðilagðist í eldsvoða 2017.

Í kjölfar eldsvoðans í Grenfell, söfnuðust konur í hverfinu saman til að elda mat handa fjölskyldum sínum og nágrönnum. Í spjalli yfir pottunum og matarilminum uppgötvuðu þær fljótt töfra matreiðslunnar og samverunnar í að skapa tengsl, byggja upp von og daglegt líf og hugmyndina um að eiga aftur heimili. Þannig byrjaði starfsemi Hubb Community Kitchen.

Bókin fjallar um sögu samfélagsins og inniheldur 50 uppskriftir kvennanna í Hubb Community Kitchen ásamt formála Meghan hertogaynju.

Uppskriftirnar hafa margar verið varðveittar frá kynslóð til kynslóðar, frá Mið-Austurlöndum, Norður-Afríku, Evrópu og Miðjarðarhafinu.

Hver uppskrift segir sögu af menningu og fjölskyldu og allar notast aðeins við nokkur innihaldsefni og eru einfaldar í matreiðslu til að gefa öllum færi á að spreyta sig í eldamennsku.

Bókin er óður til lífsins, vináttu og samverunnar.

Viðburðurinn markar áfanga hjá Meghan, sem hefur verið meðlimur bresku konungsfjölskyldunnar formlega í fjóra mánuði. Um er að ræða fyrsta boðið sem hún býður til, hennar fyrsta góðgerðarmál og fyrstu ræðu hennar sem fulltrúi konungsfjölskyldunnar.

Harry horfir hugfanginn á konu sína eftir ræðuna hennar.
Meghan, Harry og móðir hennar, Doria.

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Logi: „Af hverju getur Ólafur Darri ekki bara sagt að ég sé frábær?“

Logi: „Af hverju getur Ólafur Darri ekki bara sagt að ég sé frábær?“
Fókus
Í gær

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið
Fókus
Fyrir 2 dögum

Óvissuför Brands – „Þarna höfum við fullkomna hetjusögu þar sem hetjan stígur út í óvissuna“

Óvissuför Brands – „Þarna höfum við fullkomna hetjusögu þar sem hetjan stígur út í óvissuna“
Fókus
Fyrir 2 dögum

Öll tíst á einum stað: Ekki missa af einni mínútu í kvöld

Öll tíst á einum stað: Ekki missa af einni mínútu í kvöld