Í næstu viku frumsýnir Stöð 2 fyrsta þáttinn í nýrri þáttarröð sem skartar þeim Steinda, Audda, Sveppa og Pétri Jóhanni. Þættirnir heita Suður-Ameríski drauminn og eru óbeint framhald af Evrópska-, Asíska- og Ameríska draumnum. Í viðtali í þættinum Ísland vaknar á K100 í morgun sagði Steindi frá því að hann hefði hækkað líftrygginguna áður en tökur hófust.
Strákarnir komu sem betur fer allir heilir heim úr ferðinni, þótt það hafi að sögn Steinda stundum staðið tæpt. „Við erum látnir gera svo ruglaða hluti og ferðalögin á milli landana, þetta eru bara einhverjar innanlandsvélar, innanlandsflug í Kólumbíu, það er ekkert sniðugt,“ sagði Steindi í viðtalinu sem heyra má í heild hér.
Tökur á þættinum fóru fram í byrjun árs en áður en haldið var út lét Steindi hækka líftrygginguna sína. „Maður er svo hræddur þegar maður fer í svona verkefni,“ sagði Steindi.
Aðspurður um hvort þeir félagar hafi lent í aðstæðum þar sem honum leist ekki á blikuna hikar Steindi ekki í svörum. „Oft, það hefur aldrei verið jafn oft og í þessari seríu.“
https://www.instagram.com/p/Be25Dnxj7Np/?taken-by=steindijr