Þorleifur Örn Arnarsson er tilnefndur sem leikstjóri ársins fyrir uppsetningu sína á verkinu Die Edda eftir sjálfan sig og Mikael Torfason. Þetta kemur fram í fréttatilkynningu frá Þýska leiklistarsambandinu.
FAUST-verðlaunin verða veitt við hátíðlega athöfn í Regensburg þann 3. nóvember næstkomandi.
„Það er mikill heiður að vera tilnefndur til þessara verðlauna sem eiga sér bæði langa og merkilega sögu, og vera þar í flokki með mörgum að merkustu listamönnum 20 aldarinnar. Það er líka sérlega ánægjulegt að til þessarar tilnefningar hafi komið með verk sem tengist Íslandi svona órjúfanlegum böndum. Mikael skrifaði fyrir verki magnaða texta um tilurð okkar sem menningarheims en ekki síður um þann heim sem við búum í núna. Umgjörðin og samhugurinn bakvið þessu risaverkefni var einstakur og þó svo að tilnefningin falli mér í skaut lít ég á það sem viðurkenningu til allra þeirra sem að þessu magnaða listaverki komu,“ segir Þorleifur.