Sigga Dögg kynfræðingur leitar nú að manni sem er tilbúinn að sýna typpi sitt í fræðslumyndbandi um smokkanotkun. Hún tekur fram að ekki muni sjást í andlit í myndbandinu og ekkert verði greitt fyrir verkefnið.
„Typpi óskast! Ég leita að typpi sem er til í að vera með í gerð fræðslumyndbands um smokkanotkun. Ekki mun sjást í andlit viðkomandi, einungis svæði líkamans frá cirka nafla að lærum og svo hendurnar. Einstaklingur fær ekki greitt fyrir þátttöku í verkefninu heldur verður fé veitt til UNICEF og UN Women. Nánari upplýsingar í tölvupósti sigga@siggadogg.is,“ skrifar Sigga Dögg á Facebook en hún tekur það sérstaklega fram að hún sé ekki að biðja menn um senda á hana typpamyndir.