fbpx
Fókus

Katrín Tanja selur útsýnisíbúðina á Lindargötu – Sjáðu myndirnar

Fókus
Miðvikudaginn 19. september 2018 09:13

Crossfit-drottningin Katrín Tanja Davíðsdóttir hefur sett glæsilega íbúð sína á Lindargötu á sölu. Um er að ræða þriggja herbergja íbúð á sjöttu hæð á Lindargötu 39 og er ásett verð 69,5 milljónir króna. Um er að ræða íbúð í einu eftirsóttasta fjölbýlishúsi borgarinnar.

Fréttablaðið greindi fyrst frá þessu í dag en Katrín Tanja hefur löngum verið í hópi fremstu íþróttamanna þjóðarinnar. Hún vann heimsleikana í Crossfit árin 2015 og 2016 og varð í þriðja sæti í keppninni í ár.

Í sölulýsingu eignarinnar segir að um sé að ræða glæsilega og bjarta íbúð með suðursvölum og fallegu útsýni til suðurs og austurs. Eins og meðfylgjandi myndir bera með sér er engu logið í þeirri lýsingu. Íbúðin er skráð 89,9 fermetrar og þar af er 7,8 fermetra geymsla í sameign.

„Um er að ræða hús byggt 2014 á einum vinsælasta stað borgarinnar. Einstök staðsetning í miðborginni, Harpan, verslanir, veitingahús og ýmis konar afþreying er á næsta leiti.“ Í húsinu eru alls 36 íbúðir en á hæðinni eru alls 4 íbúðir. Íbúðin skiptist í anddyri hol, stofu, borðstofu, eldhús, 2 svefnherbergi og þvottahús.

Á meðal nágranna Katrínar Tönju eru Sigurður Gísli Pálmason, oft kenndur við Hagkaup, Sigurður Arngrímsson fjárfestir, Róbert Wessman á íbúð í húsinu í gegnum félag sitt Hrjáf ehf., auk þess sem Samherjabróðirinn Þorsteinn Vilhelmsson á þrjár íbúðir í húsinu í gegnum félag Fjárfestingafélagið Akureyrin ehf.

Í Fréttablaðinu í dag segir að Katrín hafi keypt íbúðina í janúar í fyrra. Sagði Katrín, eftir að kaupin voru gengin í gegn, að hún hafi fallið fyrir útsýninu og kvöldsólinni á svölunum. Þá segir að Katrín vilji búa við hliðina á vinkonu sinni og afreksíþróttakonunni Annie Mist Þórisdóttur sem búsett er í Kópavogi og því má gera ráð fyrir að Katrín muni koma sér vel fyrir í Kópavoginum áður en langt um líður.

Meðfylgjandi eru myndir úr íbúðinni en það er Torg fasteignasala sem sér um söluna.

 

 

Fókus
Á Fókus finnur þú umfjöllun um fólk, bæði í fréttamolum og styttri og lengri viðtölum, Tímavélina, umfjöllun um menningu: bækur, kvikmyndir og sjónvarp, leiklist, tónlist og tónleika, viðburði,
próf, gjafaleiki og fleira. Ert þú með ábendingar, hugmyndir eða efni fyrir Fókus, upplýsingar um viðburði, eða annað? Sendu okkur þá línu á fokus@fokus.is
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“

Þorbjörn lést á mánudag fimm dögum eftir ákall móður hans – „Elsku fallegi sonur minn, hvíl í friði“
Fókus
Í gær

Sólrún Diego sýnir fullkomið öryggiskerfi í höllinni

Sólrún Diego sýnir fullkomið öryggiskerfi í höllinni
Fókus
Í gær

Gunni Helga og töfrahurðarhljómsveitin spila Jazz fyrir börn

Gunni Helga og töfrahurðarhljómsveitin spila Jazz fyrir börn
Fókus
Fyrir 2 dögum

Steinþór Helgi og Glódís selja á Grandavegi – Sjáðu myndirnar

Steinþór Helgi og Glódís selja á Grandavegi – Sjáðu myndirnar
Fókus
Fyrir 2 dögum

Ragnhildur Steinunn á von á tvíburum

Ragnhildur Steinunn á von á tvíburum
Fókus
Fyrir 2 dögum

Þorsteinn stofnandi Plain Vanilla og Rós eiga von á dreng

Þorsteinn stofnandi Plain Vanilla og Rós eiga von á dreng
Fókus
Fyrir 2 dögum

Nú getur þú fest kaup á Bjarna Ben í nábrókinni

Nú getur þú fest kaup á Bjarna Ben í nábrókinni
Fókus
Fyrir 2 dögum

Elín Kára – „Sjoppufærsla ársins“

Elín Kára – „Sjoppufærsla ársins“