fbpx
Fókus

Gunnar eltir ástina til útlanda – Átti í útistöðum við íslenska femínista – „Sambandið er á viðkvæmu stigi“

Ari Brynjólfsson
Mánudaginn 17. september 2018 14:34

Gunnar Kristinn Þórðarson, formaður  Samtaka umgengisforeldra og fyrrverandi oddviti Karlalistans í Reykjavík, hefur ákveðið að hætta þátttöku í stjórnmálum, leggja samtökin niður og elta ástina til útlanda.

„Ég hef verið spurður hvort og þá hvað ég ætli að gera í pólitík á næstunni. Svarið er ekkert, nema þá helst að kjósa Brynjar Níelsson í 1. sæti í næsta prófkjöri. Er að öðru leyti búinn að pakka saman. Samtökin bæði verða lögð niður og ég er kominn hálfa leið við að elta ástina til útlanda. Það verður kærkomið ef af verður,“ segir Gunnar á færslu á Fésbók.

Gunnar Kristinn hefur eldað grátt silfur við íslenska femínista að undanförnu. Kom hann að birtingu skjáskota úr Fésbókarhópnum Aktívistar gegn nauðgunarmenningu inn á vefnum Forréttindafemínismi sem hann segir að eigi að sýna fram á hvernig þjóðþekktir femínistar séu að „undirbyggja aðför gegn nafngreindum feðrum“. Var Gunnar gagnrýndur harðlega af konum í þessum hópi fyrir að birta frásagnir úr lokaðri grúppu.

Þá hefur verið fjallað ítarlega um Gunnar Kristinn, Samtök umgengisforeldra og Karlalistans á femíniska vefritinu Knúz.is en þar var rekstur Gunnars gagnrýndur. Deildi hann harðlega við Heiðu Björg Hilmisdóttur, varaformann Samfylkingarinnar, um gagnaleka úr Fésbókarhópum femínista og feðrahreyfinga. Enduðu deilur Gunnars við konurnar með kæru Gunnars á hendur Þóreyju Guðmundsdóttur og Elísabetu Ýr Atladóttur til lögreglu, sagði hann þær hafa fullyrt ranglega í athugasemdum á Fésbók að hann hafi eytt uppvaxtarárum sínum á Barna- og unglingageðdeild Landspítalans.

Sjá einnig: Gunnar Kristinn segist hafa kært Þórey og Elísabet til lögreglu

Sjá einnig: Oddviti Karlalistans segist ekki hafa verið lengi á BUGL

Hann segir í samtali við DV að Samtök umgengnisforeldra verði ekki lögð niður strax. „Það eru nokkur útistandandi mál, við eigum inni stjórnsýslukærur sem við erum að bíða eftir. Að því loknu verða samtökin lögð niður, það er ekki nægur stuðningur við þetta. Ég er búinn að fá mig fullsaddan af þessu persónuníði.“

Ætlar þú svo að flýja land?

„Nei. Þetta er ekki flótti, frekar að maður sé að sækjast í eitthvað betra.“

Hvert ætlar þú að elta ástina?

„Sambandið er á viðkvæmu stigi,“ segir Gunnar og hlær og vildi ekki opinbera samband sitt frekar.

Ari Brynjólfsson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Í gær

Svanhildur viðurkennir vandræðalegt atvik – „Ég man aldrei neitt“

Svanhildur viðurkennir vandræðalegt atvik – „Ég man aldrei neitt“
Fókus
Í gær

Lítt þekkt ættartengsl: Neytandinn og Píratinn

Lítt þekkt ættartengsl: Neytandinn og Píratinn
Fókus
Fyrir 2 dögum

Puff Daddy fann ástina aftur með fyrirsætu af íslenskum ættum

Puff Daddy fann ástina aftur með fyrirsætu af íslenskum ættum
Fókus
Fyrir 2 dögum

Sara Riel opnar einkasýningu á laugardag – Freistar þess að treysta innsæinu

Sara Riel opnar einkasýningu á laugardag – Freistar þess að treysta innsæinu
Fókus
Fyrir 2 dögum

POPUP Næturmarkaður í fyrsta sinn á Íslandi

POPUP Næturmarkaður í fyrsta sinn á Íslandi
Fókus
Fyrir 2 dögum

Flúrarinn Picasso Dular er væntanlegur til Íslands

Flúrarinn Picasso Dular er væntanlegur til Íslands