Ástþór W. Magnússon, raðframbjóðandi til embættis forseta Íslands, er móðurbróðir Jóns Gunnarssonar, þingmanns Sjálfstæðisflokksins. Móðir Jóns heitir Erla D. Magnúsdóttir og er Ástþór yngsti bróðir hennar. Þeir Ástþór og Jón eru landsþekktir stjórnmálamenn og hafa oft komið fram á skjáum landsmanna.
Jón hefur setið á þingi fyrir Sjálfstæðisflokkinn frá árinu 2007 og var samgöngu- og sveitarstjórnarráðherra í skammlífri ríkisstjórn Sjálfstæðisflokks, Viðreisnar og Bjartrar framtíðar.
Ástþór hefur verið talsvert lengur í stjórnmálum en Jón, hann bauð sig fyrst fram til forseta árið 1996 og hlaut rúmlega 4.400 atkvæði. Atkvæðunum hefur farið fækkandi í hverjum forsetakosningum síðan og framboð hans var dæmt ógilt fyrir forsetakosningarnar 2012.