fbpx
Fókus

Sárkvalin daglega eftir læknamistök: Meðferð í Bandaríkjunum gæti fært Erlu Kolbrúnu eðlilegt líf

Ágúst Borgþór Sverrisson
Laugardaginn 15. september 2018 13:47

Árið 2012 gekkst Erla Kolbrún Óskarsdóttir undir aðgerð við endaþarmssigi sem hún hlaut við að fæða dætur sínar en þetta mun vera nokkuð algengur fylgifiskur fæðinga. Aðgerðin var framkvæmd á Akranesi og þegar Erla vaknaði af henni var henni ljóst að ekki var allt með felldu. Hún var sárkvalin og ávallt upp frá því hefur hún verið óvinnufær vegna linnulausra verkja.

Landlæknir úrskurðaði að Erla hefði orðið þolandi vanrækslu af hálfu læknisins sem framkvæmdi aðgerðina en yfirlæknir kvennadeildar Landspítalans hefur ályktað að hér hafi læknamistök átt sér stað. Mistökin eru í sem stystu máli fólgin í því að læknirinn saumaði saman á röngum stað og lamaði við það viðkvæmar taugar.

Erla, sem er 33 ára gift tveggja barna móðir, stríðir við verki alla daga og stundum þegar líður á daginn er hún viðþolslaus af kvölum. Hefur hún nú verið óvinnufær í sex ár oft gjörsamlega ósjálfbjarga:

„Eiginmaður minn hefur þurft allt í senn að vera maki minn og hjúkrunarkona og móðir barnanna minna. Hefur hann oft þurft að gera allt. Hann er kletturinn minn,“ segir Erla við DV.

Þrátt fyrir að mistök hafi verið viðurkennd hefur Erla aðeins fengið lítilsháttar sjúkrabætur og ekkert í líkingu við kostnaðinn sem hún hefur orðið að bera af þessum mistökum. Lögfræðingur hennar undirbýr nú málshöfðun og skaðabótakröfur.

Meðferð í Bandaríkjunum gæti fært henni nýtt líf – fjársöfnun hafin

„Þetta er meðferð sem felst í því að stofnfrumur eru teknar úr blóðinu mínu og þær virkjaðar á rannsóknarstofu læknisins. Það ferli getur tekið allt að fjóra daga. Síðan eru stofnfrumurnar settar aftur út í blóðið. Ég er mjög spennt fyrir þessari meðferð því hún hefur meðal annars gefið frábæran árangur hjá íslenskum dreng,“ segir Erla Kolbrún um meðferð sem hún stefnir á að gangast undir í Bandaríkjunum – meðferð sem gæti stóraukið lífsgæði hennar.

Meðferðin ein og sér kostar um eina milljón króna en önnur milljón bætist við vegna ferðakostnaðar og uppihalds enda þarf Erla Kolbrún að taka með sér fylgdarmann út.

Vinir og stuðningsfólk Erlu Kolbrúnar gangast fyrir fjársöfnun henni til handa svo hún geti gengist undir meðferðina. Meðal þeirra sem hafa stutt við bakið á henni er Fríða Rut Heimisdóttir og fyrirtæki hennar Regalo fagmenn. Þá hefur Heilsa og fleiri aðilar lagt lið.

Á sunnudag kl. 15 verður haldinn góðgerðartími í Sporthúsinu Kópavogi í Foam Flex æfingum. Þátttakendur greiða 2.000 kr. fyrir tímann. Nú þegar er uppbókað í tímann og kominn biðlisti.

Móðir Erlu Kolbrúnar bakar og selur dýrindis kleinur henni til stuðnings og söfnun á vinningum í góðgerðarbingó stendur yfir. Upplýsingar um allt þetta er að finna í opna Facebook-hópnum Betri lífsgæði – Erla Kolbrún.

Einfaldasta leiðin til að láta draum Erlu Kolbrúnar um meðferðina í Bandaríkjunum og eðlilegt líf í kjölfarið rætast er að leggja inn á söfnunarreikning henni til styrkar. Margt smátt gerir eitt stórt og öll framlög, stór sem smá, eru vel þegin. Reikningsupplýsingarnar eru á myndinni hér fyrir neðan:

Ágúst Borgþór Sverrisson
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 21 klukkutímum

Petrína: „Það skiptir miklu máli fyrir þann veika að finna stuðning“

Petrína: „Það skiptir miklu máli fyrir þann veika að finna stuðning“
Fókus
Fyrir 22 klukkutímum

Mál­þing um brjósta­krabba­mein – Doktor Google & Google Maps

Mál­þing um brjósta­krabba­mein – Doktor Google & Google Maps
Fókus
Í gær

Þraut: Kettir eru víða – finnur þú köttinn á þessum myndum?

Þraut: Kettir eru víða – finnur þú köttinn á þessum myndum?
Fókus
Í gær

Markvissar aðgerðir í Hafnarfirði gegn hrakandi málþroska íslenskra barna

Markvissar aðgerðir í Hafnarfirði gegn hrakandi málþroska íslenskra barna
Fókus
Í gær

Hlemmur & Grandi mathöll efna til opinnar umræðu um götubitann

Hlemmur & Grandi mathöll efna til opinnar umræðu um götubitann
Fókus
Í gær

Julia Roberts falleg í bleiku – „Það erfiðasta sem ég hef gert er að treysta á sjálfa mig“

Julia Roberts falleg í bleiku – „Það erfiðasta sem ég hef gert er að treysta á sjálfa mig“